ફિલ્મી દુનિયા છોડી અમેરિકા જતી રહી અક્ષય કુમારની આ હિરોઇન, સોફ્ટવેર એન્જીનીયર સાથે કર્યા લગ્ન

બોલિવૂડમાં એવી ઘણી અભિનેત્રીઓ રહી છે જેણે 90ના દાયકામાં સિનેમાની દુનિયામાં ધૂમ મચાવી હતી. પરંતુ તે પછી તે ઈન્ડસ્ટ્રીથી દૂર થઈ ગઈ. આજે આપણે જે હિરોઈન વિશે વાત કરવા જઈ રહ્યા છીએ તેણે ઘણા મોટા સ્ટાર્સ સાથે કામ કર્યું અને પોતાની એક્ટિંગના દમ પર દર્શકોના દિલ જીતી લીધા. આજે તે અભિનેત્રી ફિલ્મી દુનિયાથી દૂર છે. પરંતુ તે ક્યાં છે તે કોઈને ખબર નથી. અમે વાત કરી રહ્યા છીએ અભિનેત્રી અશ્વિની ભાવેની. તમે આ નામ ઘણું સાંભળ્યું હશે. પરંતુ જો તમે અશ્વિની ભાવે વિશે સાંભળ્યું નથી તો અમે તમને એ વિશે જણાવવા જઈ રહ્યા છે. અશ્વિની ભાવેએ 90ના દાયકામાં એકથી લઈને એક ફિલ્મ આપી. આજે એક્ટ્રેસ ક્યાં છે અને શું કરી રહી છે એ અમે તમને જણાવીશું

અશ્વિની ભાવે 90ના દાયકામાં બોલિવૂડની જાણીતી અભિનેત્રી હતી. તેણે 20 થી વધુ બોલિવૂડ ફિલ્મોમાં કામ કર્યું. હિના, બંધન અને સૈનિક તેમની યાદગાર હિન્દી ફિલ્મો હતી. આ સિવાય તે પરમ્પરા, જજ મુજરિમ, યુગપુરુષ, અશાંત અને ઇક્કા રાજા રાની જેવી ફિલ્મોમાં પણ જોવા મળી હતી. 1991માં ફિલ્મ ‘હિના’થી ડેબ્યૂ કરનાર અશ્વિનીને આ ફિલ્મમાં ઘણી પસંદ કરવામાં આવી હતી. ફિલ્મ ‘હિના’માં અશ્વિનીના કામની ખૂબ પ્રશંસા કરવામાં આવી હતી. ફિલ્મમાં સાઇડ એક્ટ્રેસ હોવા છતાં તે પાકિસ્તાની અભિનેત્રી જેબા બખ્તિયાર પર ભારે પડી હતી.

અશ્વિની ભાવેએ બહુ ઓછી ફિલ્મોમાં અભિનય કર્યો પણ અભિનયને કારણે ઓળખ મળી. તેમના નામે 90ના દાયકાની ઘણી યાદગાર ફિલ્મો છે. બે વર્ષ પછી, અશ્વિની ફિલ્મ ‘સૈનિક’માં અક્ષય કુમાર સાથે જોવા મળી, જેણે તેને લાઇમલાઇટમાં લાવી. આ પછી તેણે અક્ષય સાથે ફિલ્મ ‘જખ્મી દિલ’માં કામ કર્યું. બંનેની જોડીને દર્શકોએ ખૂબ પસંદ કરી હતી.

વર્ષ 1998માં સલમાન ખાન સાથે ફિલ્મ બંધનમાં કામ કર્યા બાદ તે અમેરિકા જતી રહી. અમેરિકામાં રહીને તેણે ફિલ્મ મેકિંગનો કોર્સ પણ કર્યો. તે જ સમયે, તે સ્ટેજ સાથે પણ સંકળાયેલી હતી. આ દરમિયાન તેણે લગ્ન પણ કર્યા. લગ્નના 10 વર્ષ બાદ અભિનેત્રી વર્ષ 2017માં ભારત પરત આવી હતી. આ દરમિયાન તેણે ફિલ્મ ધ્યાનાણીથી કમબેક કરવાનો પ્રયાસ કર્યો હતો. પરંતુ આ ફિલ્મ કંઈ ખાસ બતાવી શકી નથી.

અશ્વિની હવે બોલિવૂડથી દૂર અમેરિકાના સાન ફ્રાન્સિસ્કોમાં રહે છે. અશ્વિની ભાવે હવે બે બાળકોની માતા છે. અશ્વિનીએ વર્ષ 2007માં સોફ્ટવેર એન્જિનિયર કિશોર બોપર્ડીકર સાથે લગ્ન કર્યા હતા. અશ્વિની ભાવેની દીકરીનું નામ સાચી છે. તે અમેરિકામાં રહે છે પરંતુ તેના બાળકોને ભારતીય સંસ્કૃતિ સાથે જોડે છે. તેમની દીકરી અમેરિકામાં પોતાના હાથે ગણપતિ બનાવીને કલર કરે છે.

અશ્વિની ભલે અમેરિકામાં સ્થાયી થઈ હોય પરંતુ ભારત સાથે જોડાયેલી રહે છે. અશ્વિની આજે પણ મરાઠી ફિલ્મોમાં કામ કરે છે. અશ્વિની ભાવે છેલ્લે વેબ સિરીઝ ધ રાયકર કેસમાં જોવા મળી હતી. આ વેબ સિરીઝમાં અશ્વિની સાથે અતુલ કુલકર્ણી, લલિત પ્રભાકર, મનવા નાઈક જેવા કલાકારો લીડ રોલમાં હતા.