હોમ ડેકોરઃ આ ટિપ્સ અપનાવશો તો તમે ઓછા પૈસામાં એક સુંદર મકાન સજાવી શકશો
એક સુંદર ઘર દરેકનું સ્વપ્ન છે. ઘણા લોકો તેમના જીવનમાં તેમના સ્વપ્નનું ઘર પ્રાપ્ત કરે છે પરંતુ ઘણા લોકો બજેટના અભાવે આવું કરી શકતા નથી. પરંતુ તમારા માટે એ જાણવું ખૂબ જ જરૂરી છે કે સુંદર ઘરને બજેટની જરૂર નથી, પરંતુ સર્જનાત્મકતા એટલે કે ક્રિએટિવિટીની જરૂર છે. હા, સુંદર ઘર માટે મોટું ઘર હોવું જરૂરી નથી, તમે તમારા નાના ઘરને ઓછા બજેટમાં આકર્ષક અને સુંદર બનાવી શકો છો. તો અહીં અમે તમને જણાવીશું કે તમે ઓછા બજેટમાં ઘરને કેવી રીતે સર્જનાત્મક અને ખૂબ સુંદર બનાવી શકો છો. તો ચાલો જાણીએ આ સરળ ટિપ્સ વિશે.
મેઈન ગેટનું ડેકોરેશન ખાસ હોવું જોઇએ
મેઈન ગેટ એટલે કે તમારા ઘરનો મુખ્ય દરવાજો તમારા ઘરનો ચહેરો છે. આવી સ્થિતિમાં તેને રેન્ડમ રાખવું સારું માનવામાં આવતું નથી. તમે તમારા મુખ્ય દરવાજાને સજાવવા માટે ફૂલો અથવા માટીથી બનેલી સજાવટનો ઉપયોગ કરી શકો છો. હેંગિંગ વિન્ડ ચાઇમ્સ અને ડેકોરેશન અહીં સરસ દેખાશે. તમે નેમપ્લેટ સાથે પ્રયોગ કરી શકો છો અને મુખ્ય દરવાજા આગળ તમે કુંડામાં છોડ લગાવી શકો છો. આ કરવા માટે તમારે ખર્ચ ઓછો થશે અને તમારા મુખ્ય દરવાજાની સજાવટ પણ સુંદર દેખાશે.
લિવિંગ રૂમને નવો દેખાવ આપો
જો તમારી પાસે ઘરને કલર કરવાનું બજેટ નથી, તો આખા ઘરને રંગવાને બદલે, તમારા લિવિંગ રૂમની એક દીવાલને સુંદર રંગથી રંગો. તમે અહીં વોલ પેપરનો પણ ઉપયોગ કરી શકો છો. આ તમારા ઘરના દેખાવને અલગ રીતે બદલશે.
વોલ ડેકોરેશન (દીવાલ કેવી રીતે શણગારવી)
મોંઘી સજાવટ ખરીદવાને બદલે, તમે ઘરે કેટલીક હસ્તકલા અથવા ડેકોરેટર બનાવી શકો છો. જો તમે આ ન કરી શકો, તો પછી પરિવારનો એક મોટો ફોટો બનાવો અને આ દીવાલ પર લગાવો. આ તમારી દિવાલને નવો દેખાવ આપશે.
ઝૂમર નવો લુક આપે છે
અત્યારે દરેક ઘરમાં અલગ-અલગ ઝૂમર લગાવે છે. તમે ટીવી સિરિયલ અથવા કોઈ પિક્ચરમાં પણ જોશો, તો નાના અથવા મોટા ઘરમાં ઝૂમર હોય જ છે. જો તમે તમારા લિવિંગ રૂમમાં ઝૂમર રાખો છો, તો તે ઘરના દેખાવને એક અલગ લુક આપશે. તમને ઝૂમર દરેક ભાવમાં મળશે, તમે તમારા ખર્ચ પ્રમાણે ઝૂમર લઈ શકો છો. બજારમાં ફેન્સી લાઇટ અથવા હેન્ડક્રાફ્ટ ઝુમ્મર ઉપલબ્ધ છે.
સોફા ઘરનો દેખાવ બદલસે
તમે તમારા જૂના સોફાને નવો લુક આપવા માટે કવર અને કુશન બદલી શકો છો. ડાર્ક સોફાના કવર પર, તમે હળવા રંગ અથવા તેજસ્વી રંગના નાના અથવા મોટા કુશન રાખી શકો છો. આ રીતે તમારા ઘરને એક નવો અને સુંદર દેખાવ મળશે.
