ગુજરાતમાં 1285 કરોડ રૂપિયાના ખર્ચે તૈયાર કરાશે 2 રેલ્વે સ્ટેશન, જાણી લો શું મળશે ખાસ સુવિધાઓ

ભારતીય રેલ્વે સ્ટેશન વિકાસ નિગમ (આઈઆરએસડીસી) એ ગુજરાતના સુરત અને ઉધના સ્ટેશનોના પુનર્વિકાસ માટે રિક્વેસ્ટ ફોર ક્વોલિફિકેશન (આરએફક્યુ) માટે વિનંતી માંગી છે. નોડલ એજન્સીએ તેનું નામ ‘રેલપોલીસ’ અથવા મીની સ્માર્ટ સિટી રાખ્યું છે. રેલપોલીસ રાખવાના ઘણા ફાયદા છે. આ મીની સ્માર્ટ શહેરો મુસાફરો માટે પરિવહન કેન્દ્ર અને વિશ્વ કક્ષાની સુવિધાઓ પ્રદાન કરવા સાથે ઘણા વ્યવસાયિક તકોને આકર્ષિત કરે છે. જો આપણે ઉદાહરણ સાથે સમજીએ તો, આ સ્ટેશનો પર રેલ્વેના આ કાયાકલ્પ પછી, તેઓ એક સ્માર્ટ સિટી બનશે. સ્માર્ટ શહેરો જ્યાં કોઈ પણ રહે છે, કામ કરી શકે છે, રમી શકે છે અને મુસાફરી કરી શકે છે.

સ્ટેશનોને ઇન્ટિગ્રેટેડ રેલ્વે સ્ટેશન તરીકે વિકસિત કરવામાં આવશે

આઈઆરએસડીસીએ એક નિવેદનમાં જણાવ્યું છે કે આ સ્ટેશનોને ઇન્ટિગ્રેટેડ રેલ્વે સ્ટેશનો અને સબ-સેન્ટ્રલ બિઝનેસ સેન્ટર્સ તરીકે વિકસિત કરવાનો અને પરિવહન આધારિત વિકાસ અને સ્માર્ટ સિટીના સિદ્ધાંતો હેઠળ સ્ટેશનો અને આજુબાજુના વિસ્તારોની સંપત્તિમાં પરિવર્તન લાવવાનો ઉદ્દેશ છે.

સુરત રેલ્વે સ્ટેશનમાં ઘણા ફેરફાર કરવામાં આવશે

આઈઆરએસડીસીએ નિવેદનમાં જણાવ્યું છે કે નવા વિકસિત સુરત રેલ્વે સ્ટેશનમાં સેન્ટ્રલ કોમ્કોર્સ અને વોક વે માટેની પણ જોગવાઈ હશે. આ મુસાફરોને રેલ્વે પ્લેટફોર્મ, સ્ટેટ અને સિટી બસ ટર્મિનલ્સ, સૂચિત મેટ્રો રેલ, પાર્કિંગ અને અન્ય વિસ્તારોમાં સીમલેસ કનેક્ટિવિટી પ્રદાન કરશે.

બંને સ્ટેશનોના પુનર્વિકાસ માટે રૂ. 1,285 કરોડ ખર્ચ કરવામાં આવશે

તેવી જ રીતે ઉધના રેલ્વે સ્ટેશનનો પુનર્વિકાસ વધુ સારી કનેક્ટિવિટી સાથે કરવામાં આવશે. તેમજ અહીંથી નીકળનારા મુસાફરો માટે એક કોન્કોર્સ બનાવવામાં આવશે. આ બંને સ્ટેશનોના પુનર્વિકાસની કિંમત આશરે 1,285 કરોડ રૂપિયા હોવાનો અંદાજ છે. રેલ્વે સ્ટેશનનો પુનર્વિકાસ ચાર વર્ષમાં પૂર્ણ થશે.

રેલ્વે સ્ટેશન પર ફાઈવ સ્ટાર હોટેલ

નોંધનિય છે કે આ પહેલા રાજ્યની રાજધાની ગાંધીનગરમાં ફાઇવ સ્ટાર હોટલ બનાવવામાં આવી છે. તમે વિચારતા હશો કે તેમાં શું ખાસ છે. ખાસ વાત એ છે કે આ ફાઇવ સ્ટાર હોટલ રેલ્વે સ્ટેશન પર બનાવવામાં આવી છે. આટલું જ નહીં, આ રેલ્વે સ્ટેશનમાં અનેક અદ્યતન સુવિધાઓ પણ સજ્જ કરવામાં આવી છે.

દેશમાં આ પહેલીવાર છે જ્યારે રેલ્વે સ્ટેશનને ફાઇવ સ્ટાર હોટલ અને ઘણી સુવિધાઓ પૂરી પાડવામાં આવી છે. રેલ્વે સ્ટેશન પર બનેલી ફાઇવ સ્ટાર હોટલનું ઉદઘાટન 16 જુલાઇએ કરવામાં આવ્યું હતું. એટલું જ નહીં, આધુનિક સુવિધાઓની સાથે સુંદર લાઇટ્સ પણ લગાવવામાં આવી છે. જે તેની સુંદરતાને આગળ વધારી રહ્યું છે. આ હોટલ ગાંધીનગરની સૌથી ઉંચી ઇમારત છે. આ મકાનમાંથી તમે મહાત્મા મંદિર અને વિધાનસભા જોઈ શકશો. આટલું જ નહીં, અહીંથી તમે મહાત્મા મંદિર અને પગપાળા દાંડી કુટીર જઇ શકો છો.