કોઈ હીરો હીરોઇનથી ઓછી નથી જાવેદ હબીબની સંપત્તિ, 800થી વધુ સલૂનના માલિક બની કમાય છે કરોડો રૂપિયા
સેલિબ્રિટી હેરસ્ટાઈલિસ્ટ જાવેદ હબીબ આ દિવસોમાં વિવાદોમાં ફસાયેલા છે. હાલમાં જ તેનો એક વીડિયો વાયરલ થઈ રહ્યો છે, જેમાં તે એક સેમિનારમાં એક મહિલાના વાળમાં થૂંકીને વાળ કાપતો જોવા મળી રહ્યો છે.આ વીડિયો સામે આવ્યા બાદ જાવેદ હબીબ વિરુદ્ધ પોલીસ કેસ નોંધવામાં આવ્યો છે. રાષ્ટ્રીય મહિલા આયોગે પણ જાવેદ હબીબ વિરુદ્ધ ફરિયાદ દાખલ કરી છે. આ બધા વચ્ચે, સોશિયલ મીડિયા પર ઘણા લોકો જાવેદ હબીબ વિશે વધુ જાણવા માંગે છે. તો ચાલો તમને જણાવીએ કે કેવી રીતે જાવેદ હબીબ સેલિબ્રિટી હેરસ્ટાઈલિસ્ટ બન્યા અને એની કુલ સંપત્તિ કેટલી છે
જાવેદ હબીબને સેલિબ્રિટી હેરસ્ટાઈલિસ્ટ કહેવામાં આવે છે, કારણ કે તે બોલીવુડની ઘણી ફિલ્મોમાં અભિનેતાઓ અને અભિનેત્રીઓના હેર લુક મેનેજ કરે છે. જો કે તે ક્યારેય સ્ટારનો પર્સનલ સ્ટાઈલિશ બન્યો નથી. જાવેદ હબીબ હબીબ હેર એન્ડ બ્યુટી લિમિટેડના સીઈઓ છે. જાવેદ હબીબ માત્ર એક પ્રખ્યાત ભારતીય હેર સ્ટાઈલિશ જ નહીં પણ રાજકારણી, ઉદ્યોગસાહસિક અને સોશિયલ મીડિયા ઇંફ્લુઇન્સર પણ છે. પ્રોફેશનલ હેરસ્ટાઈલિસ્ટ જાવેદ હબીબનો જન્મ 26 જૂન 1963ના રોજ દિલ્હીમાં થયો હતો. લોકો અને એમના સગાંવહાલાં એમને જાવેદ કહીને બોલાવે છે
જાવેદ હબીબ જાવેદ હબીબ હેર એન્ડ બ્યુટી લિ.ના માલિક (CEO) છે. જાવેદ હબીબ હેર એન્ડ બ્યુટી લિમિટેડ સમગ્ર ભારતમાં 850 થી વધુ સલુન્સ ધરાવે છે. જે દેશના 115 શહેરોમાં ખુલ્લા છે. તો, જાવેદ હબીબ 65 હેર ઇન્સ્ટિટ્યૂટ પણ ચલાવે છે. જાવેદ હબીબ વિદેશમાં પણ પોતાનું સલૂન ખોલવા માંગે છે. જાવેદ હબીબના દાદા નઝીર અહેમદ ભારતીય અને બ્રિટિશ નેતાઓના વાળ કાપતા હતા
લેટેસ્ટ માહિતી અનુસાર, જાવેદ હબીબની કુલ સંપત્તિ 30 મિલિયન યુએસ ડોલર છે. જે રૂ.માં 2229.32 કરોડ છે. જાવેદ હબીબની વાર્ષિક આવક 30 કરોડ છે. જો કે ઘણી વેબસાઈટના અહેવાલો અનુસાર જાવેદ હબીબની વાર્ષિક કમાણી $15.6 મિલિયન છે. તો, જાવેદ હબીબની એક મહિનાની કમાણી લગભગ 4-5 મિલિયન છે.
જાવેદ હબીબના પરદાદા નઝીર અહેમદ લોર્ડ લિનલિથગો, લોર્ડ માઉન્ટબેટન અને જવાહરલાલ નેહરુ જેવી હસ્તીઓના વાળ કાપતા હતા. આ સિવાય જાવેદના પિતા હબીબ અહેમદ ભારતના રાષ્ટ્રપતિ માટે વાળંદ તરીકે કામ કરતા હતા. આ સિવાય જાવેદના પરવેઝ હબીબ અને અમજદ હબીબ નામના બે ભાઈઓ છે.
શિક્ષણની વાત કરીએ તો જાવેદ હબીબે લંડનની મોરિસ ઈન્ટરનેશનલ સ્કૂલમાંથી અભ્યાસ પૂરો કર્યો છે. બાદમાં તેમણે જવાહરલાલ નેહરુ યુનિવર્સિટીમાં પ્રવેશ મેળવ્યો, જ્યાં તેમણે ફ્રેન્ચ સાહિત્યમાં ડિગ્રી મેળવી. જાવેદને તે સમયે ક્રિકેટમાં ખૂબ જ રસ હતો અને તે ક્રિકેટર બનવાની ઈચ્છા રાખતો હતો. પરંતુ તેમના પિતાની સલાહ પર, તેમણે પાછળથી નોંધણી કરાવી અને મોરિસ સ્કૂલ ઓફ હેર ડિઝાઇનમાં 9 મહિનાનો હેરડ્રેસીંગ કોર્સ પૂર્ણ કર્યો.
જાવેદે 1984માં વાળંદ તરીકે પોતાની કારકિર્દીની શરૂઆત કરી હતી. તે દરમિયાન તે તેના પિતા સાથે નવી દિલ્હીની ઓબેરોય હોટલમાં હબીબના સલૂનમાં કામ કરતો હતો. જાવેદે લંડનમાં હેરડ્રેસીંગનો કોર્સ કર્યા પછી, તેણે દેશભરમાં પોતાનું સલૂન ખોલવાની યોજના બનાવી. પરિણામે, વર્ષ 2000 માં, તેને પોતાનું સ્વતંત્ર સલૂન, જાવેદ હબીબ હેર એન્ડ બ્યુટી ખોલ્યું.
જાવેદનો બીજો શોખ ભણાવવાનો છે. છેલ્લા બે દાયકામાં, તેમણે 1500 થી વધુ હેર સેમિનાર અને વર્કશોપનું આયોજન કર્યું છે, 300,000 થી વધુ વિદ્યાર્થીઓને તાલીમ આપી છે. તેમની કંપની હાલમાં ભારતના 24 રાજ્યો અને 115 શહેરોમાં 850 થી વધુ સલુન્સ અને 65 હેર એકેડમીનું સંચાલન કરે છે. આ ઉપરાંત, કંપની નેપાળ, દુબઈ, સિંગાપોર અને બાંગ્લાદેશમાં સલૂન ચલાવે છે
જાવેદ 2000 થી 2009 સુધી સનસિલ્કના બ્રાન્ડ એમ્બેસેડર હતા. જે બાદ તે મિસ ઈન્ડિયાની ઓફિશિયલ સ્ટાઇલ પાર્ટનર છે. જાવેદ 410 સાથે 24 કલાકના ગાળામાં સૌથી વધુ નોનસ્ટોપ હેરકટ કરવાનો લિમ્કા રેકોર્ડ પણ ધરાવે છે. પરિણામે, તે ન્યૂયોર્ક ટાઈમ્સ અને ફોર્બ્સ સામયિકોમાં દર્શાવવામાં આવેલ પ્રથમ અને એકમાત્ર હેરસ્ટાઈલિસ્ટ બન્યો.
આ સિવાય એપ્રિલ 2019માં જાવેદ ભારતીય જનતા પાર્ટી (BJP)માં જોડાયા હતા. જાવેદે ઘણા એવોર્ડ જીત્યા છે. 2012 માં તેને બિઝનેસ એવોર્ડ, મોસ્ટ પ્રિફર્ડ હેર એકેડમી એવોર્ડ્સ અને મેન્ટર ઓફ ધ યર એવોર્ડ મળ્યો.
