ફાઈઝરની રસીના પરિણામોએ આપી રાહત, 5થી 11 વર્ષના બાળકને આપી શકાશે
ફાઇઝર અને બાયોએન્ટેક દ્વારા સંયુક્ત રીતે વિકસિત કોરોના વાયરસ રસી સલામત હોવાનું જણાયું હતું અને ફેઝ 2જા અને 3જા ટ્રાયલમાં પાંચથી 11 વર્ષની વયના બાળકોમાં મજબૂત એન્ટિબોડી રિસ્પોન્સ જોવા મળ્યો હતો. તેઓએ જણાવ્યું હતું કે, 12 અને તેથી વધુ વયના લાભાર્થીઓને આપવામાં આવેલા 30 માઇક્રોગ્રામની વિરુદ્ધ, 21 દિવસના અંતરે 10 માઇક્રોગ્રામની બે ડોઝની પદ્ધતિમાં આ વય જૂથને રસી આપવામાં આવશે.
યુએસ ફાર્મા કંપની ફાઇઝર અને તેના જર્મન પાર્ટનરે સોમવારે સંયુક્ત નિવેદનમાં જણાવ્યું હતું.”10 µg ડોઝ આપેલા લોકોમાં પેદા થયેલા એન્ટિબોડીની 25 વર્ષની ઉંમરના લોકોમાં 30 µg ડોઝ સાથે રસીકરણના અગાઉના ફાઇઝર-બાયોએન્ટેક અભ્યાસમાં સામેલ થયેલા લોકો સાથે સરખામણી કરવામાં આવી હતી. 5 થી 11 વર્ષની ઉંમરના બાળકોમાં આ રસી સલામત છે અને રોગપ્રતિકારકતા વધારવા માટે 10 µgના ડોઝને કાળજીપૂર્વક પસંદ કરવામાં આવ્યો હતો, ”
બાયોએન્ટેકના સીઇઓ ડો.ઉગુર સાહિને જણાવ્યું હતું કે, “શિયાળાની મોસમની શરૂઆત પહેલા શાળામાં ભણતા બાળકોના આ જૂથ માટે રેગ્યુલેટરી બોડી વાળા લોકોને ટ્રાયલનો ડેટા સબમિટ કરવામાં અમે ખુશ છીએ.” ઓછા ડોઝ પર આપેલી રસી સાથે આ વધુ સુસંગત છે જે આપણે અન્ય લોકોની સરખામણીએ સારા પરિણામો આપે છે.
ફાઇઝર-બાયોએન્ટેક કંપનીઓ યુરોપિયન યુનિયન, યુનાઇટેડ સ્ટેટ્સ અને વિશ્વભરમાં જેટલી પણ રેગ્યુલેટરી બોડી છે તે તમામને “શક્ય તેટલી વહેલી તકે” તેનો ટ્રાયલ ડેટા સબમિટ કરવાની યોજના ધરાવે છે.
12 વર્ષથી ઓછી ઉંમરના બાળકો માટે ટ્રાયલનાં પરિણામો તેમના પ્રકારનાં સૌપ્રથમ છે, 5 -11 વર્ષના બાળકો માટે મોડર્ના ટ્રાયલ હજુ ચાલુ છે. ફાઇઝર અને મોર્ડેના બંનેના ડોઝ પહેલેથી જ 12 વર્ષથી વધુ ઉંમરના કિશોરો અને વિશ્વભરના દેશોમાં પુખ્ત વયના લોકોને આપવામાં આવે છે.
જો કે બાળકોને ગંભીર કોવિડનું જોખમ ઓછું માનવામાં આવે છે, એવી ચિંતા છે કે અત્યંત ચેપી ડેલ્ટા વેરિઅન્ટ વધુ તેમનામાં ગંભીર કેસો તરફ દોરી શકે છે. શાળાઓને ખુલ્લી રાખવા અને રોગચાળાને સમાપ્ત કરવામાં મદદ કરવા માટે બાળકોને રસીકરણ કરીને પછી જ મોકલવા જોઈએ તેવી મોટાભાગના લોકોની ડિમાંડ છે.
ફાઇઝરના સીઇઓ આલ્બર્ટ બોરલાએ જણાવ્યું હતું કે, “અમે રસી દ્વારા આપવામાં આવતી સુરક્ષાને આ નાની ઉંમરના લોકોની વસ્તી સુધી વધારવા આતુર છીએ,” તેમણે નોંધ્યું છે કે “જુલાઇથી, યુએસમાં COVID-19 ના બાળરોગના કેસોમાં 240 ટકાનો વધારો થયો છે”.
ટ્રાયલ માટે શરૂઆતમાં 6 મહિનાથી 11 વર્ષની ઉંમરના 4,500 બાળકો 90 થી વધુ ક્લિનિકલ ટ્રાયલ સાઇટ્સથી યુનાઇટેડ સ્ટેટ્સ, ફિનલેન્ડ, પોલેન્ડ અને સ્પેન માટે રજીસ્ટર્ડ થયા હતા. તે 5 થી 11 વર્ષની વયના ત્રણ વય જૂથોમાં બે ડોઝ શેડ્યૂલ (અંદાજે 21 દિવસના અંતરે) પર ફાઇઝર-બાયોટેકની રસીની કાર્યક્ષમતા ચકાસવા કરવામાં આવ્યા .
ટ્રાયલના તબક્કામાં 1 ડોઝ-એસ્કેલેશન ભાગના આધારે, 5 થી 11 વર્ષની વયના બાળકોને પ્રત્યેક 10 માઇક્રોગ્રામના બે ડોઝ શેડ્યૂલ મળ્યા છે જ્યારે 5 વર્ષથી ઓછી ઉંમરના બાળકોને બીજા અને ત્રીજા અભ્યાસમાં દરેક ઇન્જેક્શન માટે 3 માઇક્રોગ્રામની ઓછી માત્રા મળી છે. આ પરીક્ષણમાં SARS-CoV-2 ચેપના પૂર્વ પુરાવા સાથે અથવા વગર બાળકોની નોંધણી કરવામાં આવી હતી.
કંપનીના નિવેદનમાં ઉમેરવામાં આવ્યું છે કે, બાળકોમાં સામાન્ય આડઅસરો જોવા મળી. જેમાં “સામાન્ય રીતે 16 થી 25 વર્ષની વયના સહભાગીઓમાં જોવા મળતા લોકો સાથે તેમનો ડેટા મેચ થાય છે.”
ભૂતકાળમાં સૌથી સામાન્ય રીતે નોંધાયેલી આડઅસરોમાં ઇન્જેક્શન સાઇટ પર દુખાવો અને સોજો તેમજ માથાનો દુખાવો, ઠંડી અને તાવ હતો. ઇઝરાયેલ પહેલાથી જ 5-11 વર્ષની વયના બાળકોને રસી આપવા માટે વિશેષ મંજૂરી આપી ચૂક્યું છે, જેઓ કોવિડથી “ગંભીર બીમારી અથવા મૃત્યુના નોંધપાત્ર જોખમમાં છે”, ઓછી માત્રામાં ફાઇઝર રસીના ડોઝથી બાળકોને ફાયદો થયો છે.
ફાઈઝર અને બાયોએન્ટેક છ મહિનાથી બે વર્ષના શિશુઓ અને બે થી પાંચ વર્ષના બાળકો પર પણ તેમની રસીનું પરીક્ષણ કરી રહ્યા છે. કંપનીઓએ જણાવ્યું હતું કે, આ ટ્રાયલ્સના ફાઈનલ પરિણામો આ વર્ષના ચોથા ક્વાર્ટરમાં આવે તેવી આશા છે.
બધા મળીને, યુએસ, ફિનલેન્ડ, પોલેન્ડ અને સ્પેનમાં ફાઇઝર-બાયોએન્ટેક ટ્રાયલ્સમાં છ મહિનાથી 11 વર્ષ સુધીના 4,500 જેટલા બાળકો નોંધાયા છે.
તેની હરીફ કંપની મોડર્નાની જેમ, ફાઇઝર રસી નવી mRNA તકનીક પર આધારિત છે જે કોષોને કોરોનાવાયરસ સ્પાઇક પ્રોટીન બનાવવા માટે આનુવંશિક સૂચનાઓ આપે છે, જ્યારે શરીર વાસ્તવિક વાયરસનો સામનો કરે ત્યારે એન્ટિબોડીઝ ઉત્પન્ન કરવા માટે તેનો ઉપયોગ કરે છે.