વિરાટ કોહલીના નામે શરમજનક રેકોર્ડ, ભારતીય કેપ્ટનનું બેટ એન્ડરસનની સામે રમી ન શક્યું
ઈંગ્લેન્ડ પ્રવાસ પરની પ્રથમ ટેસ્ટમાં ભારતીય કેપ્ટન વિરાટ કોહલી ફરી એક વખત જેમ્સ એન્ડરસનનો શિકાર બન્યો હતો અને તે આવતાની સાથે જ પ્રથમ બોલ પર આઉટ થઈ ગયો હતો. આ સાથે, કેપ્ટન તરીકે તે તેની ત્રીજી ગોલ્ડન ડક હતી.
ભારત અને ઈંગ્લેન્ડ વચ્ચે પાંચ મેચોની ટેસ્ટ શ્રેણીની પ્રથમ ટેસ્ટ મેચ નોટિંગહામના ટ્રેન્ટ બ્રિજ ખાતે રમાઈ રહી છે. બીજા દિવસે સારી શરૂઆત બાદ ભારતે 15 રનમાં 4 વિકેટ ગુમાવી દીધી હતી. તેમાં એક વિકેટ ભારતીય કેપ્ટન વિરાટ કોહલીની પણ હતી. કેપ્ટન કોહલી ફરી એક વખત જેમ્સ એન્ડરસનનો શિકાર બન્યો હતો અને આવતાની સાથે જ તે પ્રથમ બોલ પર આઉટ થયો હતો.
ભારતીય કેપ્ટનનું હજુ ખાતુ જ નટુ ખોલ્યું, ત્યાં જ તે પ્રથમ બોલ પર પેવેલિયન પરત ફર્યો હતો અને એક અનિચ્છનીય રેકોર્ડ તેના નામે નોંધાયો હતો. તમને જણાવી દઈએ કે આ સાથે કોહલી ભારતીય કેપ્ટન તરીકે સૌથી વધુ વખત ગોલ્ડન ડકનો ભોગ બનનાર કેપ્ટન બન્યો હતો. અગાઉ લાલા અમરનાથ, કપિલ દેવ અને સૌરવ ગાંગુલીના નામે બે ગોલ્ડન ડક હતું.
આ સાથે જ ભારતના અન્ય પૂર્વ ટેસ્ટ કેપ્ટન મોહમ્મદ અઝહરુદ્દીનનું નામ પણ આ કેસમાં આવે છે. હકીકતમાં, અઝહર તેની કેપ્ટનશિપ દરમિયાન એક વખત પણ ગોલ્ડન ડકનો શિકાર બન્યો ન હતો.
એન્ડરસને કોહલીને ફરીથી ફસાવી દીધો
ભારતીય કેપ્ટન વિરાટ કોહલી અને ઈંગ્લેન્ડના શ્રેષ્ઠ બોલર જેમ્સ એન્ડરસન વચ્ચેની લડાઈ સમગ્ર ક્રિકેટ સ્પેસમાં જાણીતી છે, આજે એન્ડરસને 9 મી વખત ભારતીય કેપ્ટનની વિકેટ લીધી છે.
James Anderson dismissing Indian batsmen most times in Intl cricket:
Sachin Tendulkar – 12
MS Dhoni – 10
Virat Kohli – 9
Gautam Gambhir – 9#ENGvIND pic.twitter.com/v31tn6nEAF— Messi Barcelona #ENGvIND (@CricketEdits_) August 5, 2021
આ પહેલા તેણે સૌથી વધુ 12 વખત સચિન તેંડુલકર અને 10 વખત મહેન્દ્ર સિંહ ધોનીને તેનો શિકાર બનાવ્યો હતો. જ્યારે પણ આ બે ખેલાડીઓ સામ -સામે હોય ત્યારે દરેક વ્યક્તિ આ બે ખેલાડીઓની લડાઈને જોવા માટે ઉત્સાહિત હોય છે. ક્યારેક કોહલી પ્રભુત્વ ધરાવે છે તો ક્યારેક એન્ડરસન.
નોંધનીય છે કે ટેસ્ટ મેચના પ્રથમ દિવસે ટોસ જીત્યા બાદ કેપ્ટન જો રૂટે પહેલા બેટિંગ કરવાનો નિર્ણય કર્યો હતો અને ભારતીય બોલરોની શાનદાર બોલિંગ સામે ઇંગ્લેન્ડની આખી ટીમ 183 રનમાં સમેટાઇ ગઇ હતી. જવાબમાં ભારતીય ટીમે સારી શરૂઆત બાદ માત્ર 15 રનમાં પોતાની ચાર વિકેટ ગુમાવી દીધી હતી અને સ્કોર 112 રનમાં 4 હતો. જ્યાં સુધી રમત બંધ ન થઈ ત્યાં સુધી ભારતનો સ્કોર ચાર વિકેટના નુકસાન પર 125 રન હતો.
