કાયમ માટે ફિટ અને હેલ્ધી રહેવા જરૂરથી તમારા ભોજનમાં કરો એવોકાડોનો સમાવેશ, જાણો વધુમાં તમે પણ આ વિશે…

મિત્રો, જો તમે જો અત્યાર સુધી તમારા ભોજનમા એવોકાડોને અવગણતા હતા તો હવેથી તમારા દૈનિક ભોજનમા એવોકાડોનો સમાવેશ અવશ્યપણે કરો. આ ફળ એ એક આરોગ્યપ્રદ અને પૌષ્ટિક ફળ છે જે તમામ મહત્વપૂર્ણ વિટામિન્સ અને ખનિજોથી ભરેલું છે.

તે તમારા પાચનને સુધારે છે, વજન ઘટાડવામાં મદદ કરે છે, કોલેસ્ટરોલ ઘટાડે છે અને આપણને સંપૂર્ણ સ્વસ્થ રાખે છે. તે નાસ્તામાં ખૂબ સારું ભોજન બનાવે છે અને વિવિધ પ્રકારના સલાડ પણ બનાવી શકે છે. અહીં તમારા દૈનિક આહારમાં આ ફળનો ઉપયોગ કરવાની અમુક રીતો જણાવેલી છે.

જો તમે ઈચ્છો તો એવોકાડોના ટુકડા કરી લો અને પછી થોડું ઓલિવ ઓઇલ છાંટી, મીઠું, મરી અને બાલસામિક વિનેગર છાંટો અને ત્યારબાદ તેનો આનંદ માણી શકો છો. આ એવોકાડોને દૈનિક આહારમાં સમાવવાનો એક ખુબ જ સરળ રસ્તો છે. એકવાર અવશ્ય ટ્રાય કરો.

જો તમે કોઈ નવી રીતે સ્ક્રેમ્બલ્ડ એગ એટલે કે ઈંડાની ભુરજી ખાવાનું વિચારી રહ્યા છો તો આ પ્રયોગ એવોકાડો સાથે કરો. ફક્ત તમારા સ્ક્રેમ્બલ ઇંડા પર થોડો ડાઈસ્ટ એવોકાડો રાખો. જ્યારે ઇંડા અડધા રાંધવામાં આવે ત્યારે આ ફળના ટુકડા ઉમેરો અને પછી એવોકાડો ગરમ થાય ત્યાં સુધી રાંધતા રહો અને ત્યારબાદ તેનુ સેવન કરો. આ રીતે એવોકાડોનુ સેવન તમારા શરીર માટે ખુબ જ લાભપ્રદ સાબિત થઇ શકે છે.

જો તમે ઈચ્છો તો ટોસ્ટમાં માખણ સાથે પણ તેને ખાઈ શકો છો. તમે જામને બદલે બ્રેડમાં એવોકાડો ઉમેરી શકો છો. તમે એવોકાડોમાંથી થોડો ગુઆકેમોલ પણ તૈયાર કરી શકો છો. તે ક્રશ કરેલા એવોકાડોમાં ઉમેરી મરચું અને ટામેટા જેવી વસ્તુઓ મિક્સ કરીને બનાવવામાં આવે છે. તમે તેને બ્રેડમાં ખાઈ શકો છો. આ સિવાય અન્ય કોઈ નાસ્તા સાથે પણ તેનુ કોમ્બીનેશન જોડી શકો છો.

એવોકાડો સલાડનો સ્વાદ પણ બે ગણો વધારે છે. તમે કોઈપણ પ્રકારનું સલાડ તૈયાર કરો તેમાં આ ફળ ઉમેરી શકો છો. તે ફાઇબરથી ભરપૂર છે, જે તમારી ભૂખને શાંત કરે છે અને તમારી કેલરી ઘટાડે છે. તમે સલાડમાં તેની સાથે ઇંડા, ચિકન અને માછલી પણ મિક્સ કરી શકો છો.

તમારા ખોરાકમાં એવોકાડોને શામેલ કરવાની બીજી મહાન રીત એ છે કે તેને સૂપ બનાવો. તમે ઈન્ટરનેટના માધ્યમથી એવોકાડોનો સૂપ બનાવવા માટેની અનેકવિધ રીતો વિશે માહિતી મેળવી શકો છો અને તમારા ભોજન સાથે એક લઝીઝ સૂપ તૈયાર કરીને તેનો સ્વાદ માણી શકો છો. માટે એકવાર તમે પણ અવશ્ય ટ્રાય કરજો, ધન્યવાદ !

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ – દરેક ફોટો પ્રતીકાત્મક છે (ફોટો સોર્સ : ગુગલ)

આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !

આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે જલ્સા કરોને જેંતીલાલ વેબસાઈટ કે પેજની રહેશે નહીં.

આપણું પેજ “જલ્સા કરોને જેંતીલાલ” માણતા રહો અને શેર કરતા રહો!

આપના સહકારની આશા સહ,

– તમારો જેંતીલાલ