મેળો જોવા આવેલી છોકરીને ભર બજારમાં ખેંચી ઘણા લોકોએ કરી અશ્લીલ હરકત, વિડીયો વાયરલ
મધ્યપ્રદેશના અલીરાજપુર જિલ્લામાંથી એક શરમજનક વીડિયો સામે આવ્યો છે, જે સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં ઘણા લોકો ખુલ્લેઆમ યુવતી સાથે છેડતી અને અશ્લીલ હરકતો કરી રહ્યા છે. આ ઘટનાનો વીડિયો સોશિયલ મીડિયા પર વાયરલ થતા જ પોલીસ વિભાગમાં દોડધામ મચી ગઈ હતી. આ મામલે પોલીસે વીડિયોના આધારે કેસ નોંધીને તપાસ શરૂ કરી છે. જો કે હજુ સુધી એકપણ આરોપીની ધરપકડ કરવામાં આવી નથી.
આ મામલો અલીરાજપુર જિલ્લાના ભગોરિયા મેળા દરમિયાનનો છે. સોશિયલ મીડિયા પર વાયરલ થયેલો વીડિયો બે દિવસ પહેલા શુક્રવારનો જણાવવામાં આવી રહ્યો છે. મીડિયા રિપોર્ટ્સ અનુસાર, યુવતી ભગોરિયા મેળો જોવા આવી હતી. સોશિયલ મીડિયા પર વાયરલ થયેલા વિડીયો મુજબ એક છોકરી મેળો જોવા આવી હતી. આ દરમિયાન પહેલા બે છોકરાઓએ તેની છેડતી કરી, જેનાથી બચવા તે કારની પાછળ છુપાઈ જવાનો પ્રયાસ કરી રહી છે.
वालपुर भगोरिया में वायरल वीडियो मैं छेड़खानी करने वाले आरोपियों की पहचान कर ली गई है मैं स्वयं पुलिस अधीक्षक वालपुर में उपस्थित होकर धरपकड़ जारी है @ChouhanShivraj @mohdept @DGP_MP @IGP_INDORE
— SP Alirajpur (@sp_alirajpur) March 12, 2022
દરમિયાન ત્યાંથી પસાર થતા છોકરાઓના ટોળામાંથી એક યુવકે યુવતીને પકડી તેની સાથે અશ્લીલ હરકતો કરી હતી. આ દરમિયાન યુવક યુવતીને ખુલ્લેઆમ ગ્રુપમાં લઈ ગયો હતો અને બધાએ તેની છેડતી કરી હતી અને અભદ્ર વર્તન કર્યું હતું. આ દરમિયાન પાછળ ચાલતા ઘણા લોકો યુવતીની મદદ કરવાને બદલે વીડિયો બનાવતા જોવા મળે છે. અહેવાલો અનુસાર પીડિતા અને યુવક પડોશી ધાર જિલ્લાના એક જ ગામના રહેવાસી હતા. હાલ આ ઘટનાનો વીડિયો વાયરલ થયા બાદ પોલીસે આરોપીઓની ઓળખ કરવાનું શરૂ કરી દીધું છે.
મીડિયાને આ અંગે માહિતી આપતા લિરાજપુરના એસપી મનોજ કુમાર સિંહે જણાવ્યું હતું કે, આ વીડિયો બે દિવસ જૂનો છે. વીડિયો બનાવનાર યુવકની પૂછપરછ કરવામાં આવી છે અને વીડિયોમાં છેડતી કરનાર આરોપીની ઓળખ થઈ ગઈ છે, ટૂંક સમયમાં જ આરોપીઓની ધરપકડ કરવામાં આવશે. તેમણે જણાવ્યું કે આ ઘટના અલીરાજપુર નગરથી લગભગ દોઢ કિલોમીટરના અંતરે બની હતી. હાલ મામલાની તપાસ ચાલી રહી છે.
તમને જણાવી દઈએ કે મધ્યપ્રદેશના ઘણા આદિવાસી બહુલ વિસ્તારોમાં દર વર્ષે ભગોરિયાનું આયોજન કરવામાં આવે છે. આ આદિવાસીઓનો સૌથી મોટો તહેવાર માનવામાં આવે છે, તેની શરૂઆત દર વર્ષે ગંગા મહાદેવના મંદિરમાં મેળાના આયોજનથી થાય છે અને આ ભગોરિયા હોળી સુધી ઉજવવામાં આવે છે. અલીરાજપુરના વાલપુરનો ભગોરિયા તહેવાર ખૂબ જ લોકપ્રિય છે.
