રણબીર કપૂરે સંજય લીલા ભણસાલીની કહ્યા ક્રૂર નિર્દેશક, કહ્યું કે એ અમને મારતા હતા અને ગાળો આપતા હતા.
હિન્દી સિનેમાના દિગ્ગજ રાજ કપૂરનો જન્મદિવસ 14મી ડિસેમ્બરે હતો અને આ વખતે તેમના પૌત્ર રણબીર કપૂરે તેમના દાદાનો જન્મદિવસ ખૂબ જ ખાસ રીતે ઉજવ્યો હતો. તેના દાદાના જન્મદિવસના અવસર પર, રણબીર કપૂરે તેની બાયોગ્રાફી ‘રાજ કપૂરઃ ધ માસ્ટર એક વર્ક’ લૉન્ચ કરી હતી. આ દરમિયાન રણબીર કપૂરે મીડિયા ચેનલ સાથે ખાસ વાતચીત કરી અને ઘણી જૂની યાદો પોતાની સામે તાજી કરી. તેણે તેના પિતા અને દાદાની ફિલ્મી કરિયર વિશે પણ ઘણી બધી વાતો કરી.
સંજય લીલા ભણસલીને લઈને પણ કર્યો ખુલાસો
આ દરમિયાન રણબીર કપૂરે તેની શરૂઆતની કારકિર્દી વિશે પણ વાત કરી હતી. તેણે ખુલાસો કર્યો કે જ્યારે તે સંજય લીલા ભણસાલીની પ્રોડક્શન કંપનીમાં કામ કરતો હતો ત્યારે સંજય લીલા ભણસાલી તેને ઘણી ગાળો આપતા હતા અને એમને મારતા પણ હતા. વાત જાણે એમ છે કે, અહેવાલો અનુસાર, રણબીર કપૂરે તેના દાદાના પુસ્તક વિમોચન પ્રસંગે તેની પેઢીના ફિલ્મ નિર્માતાઓ વિશે વાત કરી હતી.
રણબીર કપૂરે કહ્યું કે હું કલાકો સુધી ઘૂંટણિયે બેસતો હતો
રણબીર કપૂરે આજના ફિલ્મ મેકર્સ વિશે પોતાના મંતવ્યો વ્યક્ત કરતાં કહ્યું હતું કે, “આજના નિર્માતાઓ માત્ર કોમર્શિયલ પાસાં પાછળ દોડે છે, જ્યારે હું સંજય લીલા ભણસાલી સાથે આસિસ્ટન્ટ તરીકે કામ કરતો હતો, ત્યારે હું કલાકો સુધી ઘૂંટણિયે બેસી રહેતો હતો . તેઓ અમને મજબુત બનાવવા અને દુનિયાની સામે ઊભા રહેવા માટે અમને મારતા હતા અને ગાળો આપતા હતા. રણબીર કપૂરે તેના દાદા રાજ કપૂર અને પિતા વિશે પણ ઘણા રહસ્યો ખોલ્યા.
આલિયા ભટ્ટ સાથે દેખાશે
રણબીર કપૂરની આગામી ફિલ્મોની વાત કરીએ તો તે ટૂંક સમયમાં જ તેની લેડી લવ આલિયા ભટ્ટ સાથે ફિલ્મ ‘બ્રહ્માસ્ત્ર’માં કામ કરતો જોવા મળશે. તાજેતરમાં જ, ફિલ્મના નિર્માતાઓએ રણબીર કપૂરની પ્રથમ ઝલક તેના ચાહકો સાથે શેર કરી હતી. અયાન મુખર્જીની ફિલ્મ બ્રહ્માસ્ત્ર એક મલ્ટિસ્ટારર ફિલ્મ છે અને આ ફિલ્મમાં રણબીર કપૂરનું પાત્ર તેના અન્ય પાત્રો કરતાં સાવ અલગ છે. ફિલ્મનું મોશન પોસ્ટર 15 ડિસેમ્બરે રિલીઝ કરવામાં આવ્યું છે. આલિયા ભટ્ટ અને રણબીર પહેલીવાર સ્ક્રીન પર સાથે જોવા મળવાના છે. આ ફિલ્મમાં તેમની સાથે મૌની રોય, ડિમ્પલ કપાડીયા અને અમિતાભ બચ્ચન પણ જોવા મળશે.