એક્ટ્રેસ પૂજા બેદી થઈ કોરોના પોઝિટિવ, વેકસીન નહિ લેવાનો લીધો છે નિર્ણય
પૂજા બેદી કોરોના વાયરસની ઝપેટમાં આવી ગઈ છે, એમની સાથે એમના મંગેતર અને મેડ પણ આ વાયરસનો શિકાર થઈ ગયા છે. પૂજા બેદીએ એમના સોશિયલ મીડિયા એકાઉન્ટ પરથી આશા વ્યક્ત કરતા એક વિડીયો શેર કર્યો છે કે એમની નેચરલ ઇમ્યુનિટી એમને ઠીક થવામાં મદદ કરશે. પૂજા બેદી કોરોના વાયરસ વેકસીન ન લેવાની પોતાની પસંદ વિશે હંમેશા અડગ હતી. તમને જણાવી દઈએ કે પૂજા બેદીએ હજી સુધી વેકસીનનો એક પણ ડોઝ નથી લીધો.
હું કોવિડ પોઝિટિવ છું.
રવિવારે ઓનલાઇન પોસ્ટ કરવામાં આવેલા એક વીડિયોમાં પૂજા બેદીએ કહ્યું કે બધાને નમસ્કાર. હું વિચારી રહી હતી કે મને હજી સુધી કોરોના વાયરસ કેમ નથી થયો. આ એટલો સંક્રામક છે અને દરેક એમની ઝપેટમાં આવે છે. સારું, એવું લાગે છે કે મેં હવે એને પકડી લીધો છે. હું કોવિડ પોઝિટિવ થઈ છું.
એ પછી એમને ખુલાસો કર્યો છે કે છેલ્લા કેટલાક દિવસથી મારા ગળામાં ખરાશ અને ખાંસી હતી. મેં થોડા દિવસ પહેલા જ મારા વોર્ડરોબની સફાઈ કરી હતી તો મને લાગ્યું કે આ ડસ્ટની એલર્જી છે પછી મને તાવ આવ્યો. ટેસ્ટ કરાવ્યો તો ખબર પડી કે મને કોરોના વાયરસના લક્ષણો છે અને હું કોરોના પોઝિટિવ આવી છું.
બધી જ જરૂરી સાવચેતી રાખી રહી છું.
પૂજા બેદીએ કહ્યું કે આપણને ખબર હોવી જોઈએ કે વેકસીન આવતા પહેલા કોરોના વાયરસથી પીડિત 99% લોકો બચી ગયા છે. આપણે સાવચેતીની જરૂર છે, ગભરાવાની નહિ. હું બધી જરૂરી વસ્તુઓ તાજા ફળ, સ્ટીમ ઇનહેલેશન વગેરે લઈ રહી છું.
વિડીયો શેર કરતા પૂજા બેદીએ કેપ્સનમાં લખ્યું છે કે કોવિડ પોઝિટિવ. આખરે હું કોવિડ પોઝિટિવ થઈ ગઈ. મેં કોવિડ વેકસીન ન લેવાનો નિર્ણય કર્યો છે અને આ મારું પર્સનલ ડીસીઝન છે કારણ કે હું ઈચ્છું છું કે મારી નેચરલ ઇમ્યુનિટી અને વેલનેસ પ્રેક્ટિસ મને ઠીક થવામાં મદદ કરે. તમે એ જ કરો છો જે તમારા માટે સારું હોય છે. અપને બધાએ આપણી રક્ષા કરવાની છે. ગભરાવાનું નથી.
View this post on Instagram
તમને જણાવી દઈએ કે પૂજા બેદી પણ પોતાની ઇમ્યુનિટી વધારવા માટે ઉકાળો અને જ્યુસ પી રહી છે.
