શિલ્પા શેટ્ટી અને રાજ કુન્દ્રા થશે અલગ? શિલ્પાએ સોશિયલ મીડિયા પર કહ્યું કે…
બોલિવૂડ અભિનેત્રી અને ફિટનેસ આઇકોન શિલ્પા શેટ્ટીના પતિ અને બિઝનેસમેનરાજ કુન્દ્રા હાલના દિવસોમાં એક પોર્નોગ્રાફી કેસમાં જેલમાં કેદ છે. વીતેલા દિવસોમાં આ બાબતે કોર્ટમાં 1500 પાનાની ચાર્ટ શીટ દાખલ કરવામાં આવી છે. જેમાં શિલ્પા શેટ્ટીનું નિવેદન પણ હાજર છે. હવે આ પછી શિલ્પા શેટ્ટીની એક પોસ્ટ સોશિયલ મીડિયા પર સનસનાટી મચાવી દીધી છે. લોકો આ પોસ્ટને શિલ્પા શેટ્ટીના છૂટાછેડાના નિર્ણયની નિશાની માની રહ્યા છે
‘
શિલ્પા શેટ્ટીએ જે પુસ્તકનું પેજ અપલોડ કર્યું છે એનું ટાઇટલ ન્યુ એન્ડિંગસ છે, જેમાં લખ્યું છે કે, ‘અમે જે ખરાબ નિર્ણયો લઈએ છીએ, જે ભૂલો કરી છે, જે મિત્રોને આપણે નુકસાન પહોંચાડ્યું છે તેનું વિશ્લેષણ કરવામાં ઘણો સમય લાગી શકે છે. જો આપણે હોશિયાર હોત, વધુ ધૈર્યવાન હોત અથવા વધુ સારા હોત. આપણે ભૂતકાળને બદલી શકતા નથી, પછી ભલે આપણે તેનું વિશ્લેષણ કરીએ.
શિલ્પા શેટ્ટીએ શેર કરેલું આ પેજ આગળમાં લખ્યું છે કે’પરંતુ આપણે નવી રીતે આગળ વધી શકીએ છીએ, વધુ સારા નિર્ણયો લઈ શકીએ છીએ, જૂની ભૂલો ટાળી શકીએ છીએ અને આપણી આસપાસના લોકો માટે સારા બની શકીએ છીએ. આપણી જાતને ફરીથી શોધવાની અથવા ફરીથી બદલવાની ઘણી તકો છે. મેં ભૂતકાળમાં કરેલી વસ્તુઓ ફરી કરવાની જરૂર નથી. હું મારા પ્રમાણે ભવિષ્ય બનાવી શકું છું. ‘ તમને જણાવી દઈએ કે શિલ્પા શેટ્ટીએ આ પોસ્ટમાં તેમના વતી કોઈ કેપ્શન નથી આપ્યું. તેમણે આ પેજ શેર કરતા બસ એક હાર્ટનું સ્ટીકર લગાવ્યું છે.
હવે આ પોસ્ટમાં લખેલા શબ્દોમાં, જ્યાં ભવિષ્ય બદલવાની વાત સામે આવી છે, ત્યાં સોશિયલ મીડિયા યુઝર્સે શિલ્પા શેટ્ટીના છૂટાછેડાના નિર્ણય અંગે અટકળો લગાવવાનું શરૂ કરી દીધું છે. આ પોસ્ટ હવે ઘણા ફેન પેજ પર દેખાઈ રહી છે જ્યાં દાવો કરવામાં આવી રહ્યો છે કે શિલ્પા તેના પતિ રાજને છૂટાછેડા આપવા જઈ રહી છે. જોકે શિલ્પાએ આ અંગે હજુ સુધી કંઈ કહ્યું નથી.
હાલમાં, મુંબઈ ક્રાઈમ બ્રાન્ચે રાજ કુંદ્રા વિરુદ્ધ મેજિસ્ટ્રેટની કોર્ટમાં 1,500 પાનાની ચાર્જશીટ દાખલ કરી છે. મુંબઈની ક્રાઈમ બ્રાન્ચે એપ્રિલ મહિનામાં આ કેસમાં 9 લોકો સામે ચાર્જશીટ દાખલ કરી હતી. જે બાદ રાજ કુન્દ્રા અને રાયન થોર્પેની 19 જુલાઈએ ધરપકડ કરવામાં આવી હતી.
પોલીસે જણાવ્યું કે રાજ કુંદ્રા અને થોર્પે અગાઉ પકડાયેલા આરોપીઓ સાથે કાવતરું કરીને આર્થિક રીતે નબળી યુવતીઓનો લાભ લીધો હતો. જે ફિલ્મ ઉદ્યોગમાં સંઘર્ષ કરી રહી હતી અને તેમની સાથે અશ્લીલ ફિલ્મો બનાવી હતી. અશ્લીલ વીડિયો પછી વિવિધ વેબસાઇટ્સ તેમજ મોબાઇલ એપ્લિકેશન્સ પર અપલોડ કરવામાં આવ્યા હતા.
શિલ્પા શેટ્ટી પોતાના કામ પર પરત ફરી છે. તે ‘સુપર ડાન્સર 4’માં જજ તરીકે જોવા મળે છે. આ સાથે તે પોતાની ફિટનેસનું પણ પૂરું ધ્યાન રાખે છે. તેણે તાજેતરમાં જ યોગ કરતા પોતાનો એક વીડિયો શેર કર્યો છે. આ સાથે, યોગના ફાયદાઓ પણ ગણાવ્યા હતા.
