વરસાદની સીઝનમાં ઘરમાંથી કીડા મકોડાનો નાશ કરવામાં મદદ કરશે આ 1 તેલ, નહીં પડે કીટનાશકની જરૂર

વરસાદની સીઝન દસ્તક દઈ ચૂકી છે ત્યારે ગૃહિણીઓને એક ખાસ સમસ્યા સતાવી રહી છે અને તે છે કીડા મકોડાની, આ સમસ્યા ઘરમાં ત્યારે વધારે મુશ્કેલી તૈયાર કરે છે જ્યારે ઘરમાં નાના બાળકો હોય. અનેક રીતે ઘરની સફાઈ કર્યા બાદ પણ તેનાથી છૂટકારો મેળવવાનું મુશ્કેલ બને છે.

તેનાથી તમારું જીવન મુશ્કેલ બને છે. જો તમે પણ કીડા મકોડાનો ત્રાસ અનુભવો છો તો તમે ઝેરીલા કીટનાશકોનો ઉપયોગ કરવા ઈચ્છતા નથી તો તમે ખાસ પ્રકારના તેલનો ઉપયોગ કરી શકો છો. જાણો આ કયા તેલ છે જે તમારા ઘરને કીટાણુ, કીડા કે મકોડાથી દૂર રાખવામાં તમારી મદદ કરી શકે છે.

ફૂદીનાનું તેલ

કીટનાશકોને બદલે તમે આ તેલનો ઉપયોગ સરળતાથી કરી શકો છો. આ તેલની સ્મેલ ખૂબ જ સ્ટ્રોન્ગ હોય છે. આ તેલ કીડી, મકોડા અને ઉડનારા કીડાને પણ દૂર કરવામાં તમારી મદદ કરશે. આ માટે તમે પાણીમાં ફૂદીનાનું તેલ મિક્સ કરો અને ઘરમાં છંટકાવ કરો. તમે આ તેલને એક રૂમાં નાંખો અને દરવાજા અને બારીની પાસે રાખી લો. તેની સ્મેલથી કીટાણુઓ, કીડી, મકોડા દૂર રહેશે.

લીમડાનું તેલ પણ કરશે કમાલ

જો તમે કીડા મકોડાથી છૂટકારો મેળવવા ઈચ્છો છો તો તમે લીમડાના તેલનો ઉપયોગ કરી શકો છો. તેમાં એન્ટી ફંગલ અને બેક્ટેરિયા રોધી તત્વો હોય છે જે ઘરથી કીડા મકોડાને દૂર કરવામાં મદદ કરે છે. આ માટે અડધી ડોલ પાણીમાં 7-8 ચમચી લીમડાનું તેલ મિક્સ કરો અને તેનાથી ટાઈલ્સ પર પોતુ મારો. આ સિવાય તમે આ તેલનો ઉપયોગ દિવસમાં અનેક વાર સ્પ્રેના રૂપમાં પણ કરી શકો છો. તેના માટે તમે એક સ્પ્રે બોટલ લો અને તેમાં 2 ગ્લાસ પાણીમાં 7-8 ચમચી લીમડાનું તેલ મિક્સ કરો. તેને સમયાંતરે ખાસ કરીને સવાર અને સાંજના સમયે ઘરમાં છાંટો, કીટાણુઓ દૂર રહેશે.

ચાના ઝાડનું તેલ

જો તમે ઘરમાં માખી, કોક્રોચ અને તિતિઘોડો સહિત કીડા મકોડાને ભગાવવા માટે તમે ચાના ઝાડનું તેલ ઉપયોગમાં લઈ શકો છો. આ તેલમાં બેક્ટેરિયા વિરોધી અને સોડા રોધી ગુણ જોવા મળે છે. જેના કારણે કીડા મકોડા અને અન્ય જીવાણુઓ ભાગી જાય છે. આ માટે 2 ગ્લાસ પાણીમાં 2 ચમચી ચાના ઝાડનું તેલ મિક્સ કરો. તેને સ્પ્રેની બોટલમાં ભરો અને ઘરમા તેનો છંટકાવ કરો. આમ કરવાની સાથે તમે તેને કિચનના કાઉન્ટર અને કપડા પર પણ ઉપયોગમાં લઈ શકો છો. જો કપડા પર તેની સ્મેલ હશે તો કીડા મકોડા તમારી આસપાસ આવશે નહીં.