મા તે મા: બચ્ચાને બચાવવા ભેંસે સિંહ સામે ખેલ્યો જીવ સટોસટનો ખેલ
વિશ્વની દરેક માતા તેના બાળકોને ખૂબ પ્રેમ કરે છે અને તેમના જીવનને બચાવવા માટે, તે સૌથી મોટોમાં મોટા ભયનો સામનો કરવા પણ તત્પર રહે છે, તો પછી તેણીએ તેમાં પોતાનો જીવ કેમ ગુમાવવો ન પડે. આ ફક્ત માણસોના કિસ્સામાં જ નહીં પણ પ્રાણીઓના કિસ્સામાં પણ જોવા મળે છે. અમને સોશ્યલ મીડિયા પર તેના બાળક માટે માતાના પ્રેમનો એક શાનદાર વિડિયો જોવા મળ્યો છે.
જે આજકાલ ખુબ જોવામાં આવી રહ્યો છે. આ વિડિયોમાં, એક ભેંસ તેના બચ્ચાને બચાવવા માટે સિંહોના ટોળા જીવની બાજી લગાવી દે છે. તે પછી શું થયું તે તમે આ વિડિયોમાં જોઈ શકો છો. આ વીડિયો ભારતીય વન સેવાના અધિકારી સુશાંત નંદાએ તેના ટ્વિટર એકાઉન્ટથી શેર કર્યો છે.
આ વીડિયોને શેર કરતાં તેમણે લખ્યું, ‘માતાની હિંમત’ આ વીડિયો સુશાંત નંદાએ 08 જૂને સાંજે 9 વાગ્યે શેર કર્યો હતો. જેને અત્યાર સુધીમાં 14 હજાર 600 થી વધુ વ્યૂ મળી ચૂક્યા છે. તે જ સમયે, લગભગ બે હજાર લાઈક્સ અને ત્રણસોથી વધુ રીટ્વીટ પણ આ વિડિયોને પ્રાપ્ત થયા છે.
આ વીડિયોમાં જોઈ શકાય છે કે એક ભેંસ તેના બચ્ચા સાથે જંગલમાં જઈ રહી છે. આ જ સમયે કેટલાક સિંહોનુ ટોળું તેનો શિકાર કરવા માટે તેમનો પીછો કરવાનું શરૂ કરે છે. સિંહોને જોઈને ભેંસ ઝડપથી દોડવા લાગે છે અને તેનું બચ્ચુ પણ તેની પાછળ ચાલે છે.
ત્યાર પછી અચાનક એક સિંહ ભાગીને આવે છે અને ભેંસના બચ્ચાને પકડી લેછે અને પાછળની તરફ દોડવા લાગે છે. સિંહ બાળકને તેના જડબામાં દબાવીને ભાગી જાય છે. આ દરમિયાન, બાળક મોટેથી ચીજો પાડવાનું શરૂ કરે છે.
પછી શું હતું માતા પણ તેના બાળકને બચાવવા સિંહોની પાછળ દોડી ગઈ. સિંહ બાળકને ખેંચીને ઝાડીઓમાં જાય છે, બાકીના સિંહો ત્યાં રહે છે, ભેંસ પણ ઝાડીમાં પ્રવેશે છે અને બાળકને બચાવવા તેની બધી શક્તિ લગાવી દે છે.
Mother’s courage👌
Shared by NIFL pic.twitter.com/V7kjvOLv5f— Susanta Nanda IFS (@susantananda3) June 8, 2021
ભેંસના ડરથી સિંહ બાળકને છોડે છે અને ભેંસ તેના બાળકને ઝાડીમાંથી બહાર લાવે છે. તે પછી તે તેના બાળક સાથે જવાનું શરૂ કરે છે પરંતુ સિંહ તેનો પીછો છોડતો નથી. તે બાળકને ફરીવાર પકડવાનો પ્રયત્ન કરે છે, પરંતુ ભેંસ દર વખતે સિંહોને પરાજિત કરી દે છે. આ વીડિયોને હાલમાં સોશિયલ મીડિયા પર ખુબ સારો પ્રતિસાદ મળી રહ્યો છે અને લોકો મોટા પ્રમાણમાં કોમેન્ટ પણ કરી રહ્યા છે.
