ભુપેન્દ્ર પટેલ આજે લેશે મુખ્યમંત્રી પદના શપથ, જાણો શાહ સિહત કયા નેતાઓ રહેશે હાજર
ગુજરાતના નવા મુખ્યમંત્રી બનેલા ભૂપેન્દ્ર પટેલ આજે બપોરે 2.20 વાગ્યે તેમના પદની શપથ લેશે. રાજ્યના નવા મુખ્યમંત્રીના શપથ લીધાના બે દિવસ બાદ કેબિનેટ મંત્રીઓ પણ શપથ લેશે. ગાંધીનગર ખાતે ભૂપેન્દ્ર પટેલની શપથવિધિની તૈયારીઓ પૂરજોશમાં ચાલી રહી છે. કેન્દ્રીય ગૃહમંત્રી અમિત શાહ પોતે અમદાવાદમાં યોજાનારા આ કાર્યક્રમમાં ભાગ લેવાની છે.
ગૃહમંત્રી અમિત શાહ ઉપરાંત ગોવાના સીએમ પ્રમોદ સાવંત, કર્ણાટકના સીએમ બસવરાજ બોમ્મઈ, હરિયાણાના સીએમ મનોહર લાલ ખટ્ટર, મધ્યપ્રદેશના સીએમ શિવરાજ સિંહ ચૌહાણ પણ ભૂપેન્દ્ર પટેલના શપથગ્રહણ સમારોહમાં હાજરી આપશે. જણાવી દઈએ કે 182 સભ્યોની વિધાનસભામાં ભાજપના 112 ધારાસભ્યોમાંથી મોટાભાગના બેઠકમાં હાજર હતા. ધારાસભ્ય રહી ચુકેલા ભૂપેન્દ્ર પટેલનું નામ મુખ્યમંત્રી માટે રાજકીય વર્તુળોમાં જે નામોની અટકળો લગાવવામાં આવી રહી હતી તેમાં ક્યાંય ન હતું.
ભુપેન્દ્ર પટેલની છાપ કાર્યકર્તાઓમાં સોફ્ટ સ્પોકન નેતા તરીકેની છે. જેઓ મ્યુનિસિપલ કક્ષાના નેતામાંથી રાજ્યના રાજકારણમાં ટોચના હોદ્દા પર પહોંચ્યા છે. પટેલે 2017 ની વિધાનસભા ચૂંટણીમાં રાજ્યની ઘાટલોડિયા બેઠક પરથી પ્રથમ વખત ચૂંટણી લડી હતી અને જંગી લીડ સાથે બેઠક જીતી હતી. તેમણે કોંગ્રેસના શશીકાંત પટેલને એક લાખથી વધુ મતોથી હરાવ્યા હતા જે તે ચૂંટણીમાં જીતનું સૌથી મોટું માર્જિન હતું.
श्री @Bhupendrapbjp जी को @BJP4Gujarat विधायक दल का नेता चुने जाने पर हार्दिक बधाई व शुभकामनाएं।
मुझे विश्वास है कि @narendramodi जी के मार्गदर्शन व आपके नेतृत्व में प्रदेश की अनवरत विकास यात्रा को नई ऊर्जा व गति मिलेगी और गुजरात सुशासन व जनकल्याण में निरंतर अग्रणी बना रहेगा।
— Amit Shah (@AmitShah) September 12, 2021
ભુપેન્દ્ર પટેલને મુખ્યમંત્રી બનવા બદલે ગૃહમંત્રી અમિત શાહે ટ્વીટ કરીને અભિનંદન પાઠવ્યા હતા. તેમણે ટ્વીટમાં લખ્યું હતું કે તેમને વિશ્વાસ છે કે પીએમ મોદીના નેતૃત્વમાં નવા ચૂંટાયેલા મુખ્યમંત્રી રાજ્યને વિકાસના માર્ગે આગળ લઈ જશે. ભાજપના ધારાસભ્ય દળની બેઠકમાં પાર્ટીના કેન્દ્રીય નિરીક્ષકો નરેન્દ્ર સિંહ તોમર અને પ્રહલાદ જોશી અને પક્ષના મહામંત્રી ઉપસ્થિત રહ્યા હતા.
ગુજરાતની વિધાનસભાની ચૂંટણી આવતા વર્ષે ડિસેમ્બરમાં યોજાવાની છે. કોરોના વાયરસ રોગચાળા દરમિયાન ભાજપ શાસિત રાજ્યોમાં રાજીનામું આપનાર રૂપાણી ચોથા મુખ્યમંત્રી છે. તેમણે ડિસેમ્બર 2017 માં બીજી વખત રાજ્યના મુખ્યમંત્રી તરીકે શપથ લીધા હતા. રૂપાણી 7 ઓગસ્ટ, 2016 ના રોજ પ્રથમ વખત મુખ્યમંત્રી બન્યા હતા. તત્કાલીન મુખ્યમંત્રી આનંદીબેન પટેલના રાજીનામા બાદ તેમણે આ પદ સંભાળ્યું હતું. 2017 ની વિધાનસભાની ચૂંટણીમાં ભાજપની જીત બાદ તેમણે બીજી વખત રાજ્યની કમાન સંભાળી હતી.
