આ સ્ટાર્સના મોત થયાના કેટલાય દિવસ સુધી કોઈને નહોતી પડી ખબર, ખૂબ જ દયનિય હતી છેલ્લી સ્થિતિ

બોલિવૂડની દુનિયા બહારથી ઝાકઝમાળથી ભરેલી લાગે છે, પરંતુ તેમાં રહેતા લોકોનું જીવન ક્યારે અંધકારમાં છવાઈ જાય છે તેની કોઈને ખબર નથી. એક જમાનામાં સ્ટાર ગણાતા સિતારાઓને કોઈ દિવસ ગુમનામીમાં જીવવા માટે મજબૂર કરવામાં આવે છે, તો પછી ઘણા લોકોને ચાહકો રસ્તા પરથી ઉઠાવીને સ્ટાર બનાવી દે છે. થોડા દિવસ પહેલા સુપરહિટ વેબ સિરીઝમાં કામ કરી ચૂકેલા એક્ટર બ્રહ્મા મિશ્રાના નિધનના સમાચાર આવ્યા હતા.પોલીસના જણાવ્યા અનુસાર 29 નવેમ્બરે બ્રહ્માની છાતીમાં અચાનક દુખાવો શરૂ થયો હતો. જે બાદ તેણે ડોક્ટર પાસેથી ગેસની દવા લીધી અને ઘરે પરત ફર્યા. દરમિયાન, તેમને હાર્ટ એટેક આવ્યો અને 32 વર્ષની વયે તેમનું અવસાન થયું. ત્રણ દિવસથી તેનો મૃતદેહ બાથરૂમમાં પડ્યો હતો, જ્યારે પાડોશીઓને ઘરમાંથી દુર્ગંધ આવવા લાગી, તો પોલીસને ફોન કરીને તેની જાણ કરવામાં આવી. આ કોઈ પહેલો કિસ્સો નથી કે જ્યારે કોઈ કલાકારની લાશ મૃત્યુ પછી સડતી રહી હોય અને કોઈને તેની જાણ પણ ન થઈ હોય.

આર્યા બેનર્જી

ધ ડર્ટી પિક્ચરમાં વિદ્યા બાલન સાથે કામ કરનાર અભિનેત્રી આર્યા બેનર્જી સાથે પણ આવું જ થયું. 33 વર્ષીય અભિનેત્રીનો મૃતદેહ તેના કોલકાતાના ઘરેથી શંકાસ્પદ સંજોગોમાં મળી આવ્યો હતો. પોલીસ જ્યારે બે દિવસ પછી ઘટનાસ્થળે પહોંચી ત્યારે અભિનેત્રીનું શરીર લોહીથી લથપથ હતું. પોલીસ દરવાજો તોડીને અભિનેત્રીના ઘરમાં પ્રવેશી હતી, જ્યાં તેનો મૃતદેહ પલંગ પર પડ્યો હતો. તેના નાકમાંથી લોહી નીકળતું હતું અને ચારેબાજુ ઉલ્ટીઓ કરેલી હતી.

પરવીન બાબી

પોતાના સમયની જાણીતી અભિનેત્રી પરવીન બાબીનું મૃત્યુ ખૂબ જ દુઃખદાયક હતું. પરવીન બાબીને પેરાનોઈડ સ્કિઝોફ્રેનિયા હોવાનું નિદાન થયું હતું. 20 જાન્યુઆરી 2005ના રોજ તેઓ ઘરે એકલા મૃત્યુ પામ્યા હતા. 3 દિવસ સુધી તેનો મૃતદેહ ઘરમાં સડતો રહ્યો. બાદમાં મહેશ ભટ્ટે તેમના અંતિમ સંસ્કાર કર્યા હતા

મહેશ આનંદ

ઘણી સુપરહિટ ફિલ્મોમાં નેગેટિવ પાત્ર ભજવનાર મહેશ આનંદનું 2019માં નિધન થયું હતું. તેમના મૃત્યુના બે દિવસ બાદ તેમના ફ્લેટમાંથી તેમનો મૃતદેહ મળી આવ્યો હતો. કહેવાય છે કે નિષ્ફળતાના દિવસોમાં મહેશ આનંદનો પરિવાર પણ તેમને છોડીને ચાલ્યો ગયો હતો.

કૃતિકા ચૌધરી

કંગના રનૌત સાથે ફિલ્મ રજ્જોમાં કામ કરનાર અભિનેત્રી કૃતિકા ચૌધરીની સડી ગયેલી લાશ મુંબઈના અંધેરીમાં તેના ઘરેથી મળી આવી હતી. કૃતિકાની લાશ છેલ્લા ત્રણ-ચાર દિવસથી રૂમમાં પડી હતી