ટેક્સ વિભાગે કરદાતાઓેને આપી રાહત, કહ્યું કપાયેલા આ રૂપિયા અપાશે પરત, જાણો કારણ
થોડા સમય પહેલા મીડિયામાં એવા અહેવાલો આવ્યા હતા કે ભલે ITR ફાઇલ કરવાની તારીખ 30 સપ્ટેમ્બર સુધી લંબાવવામાં આવી છે, પરંતુ આ માટે તમારે મોડી ફી અને વ્યાજ ચૂકવવું પડશે, હકીકતમાં તે એક ભૂલ હતી, જેની માહિતી ટેક્સ વિભાગે પોતે આપી છે. જો નાણાંકીય વર્ષ 2020-21 માટે ઇન્કમટેક્સ રિટર્ન ફાઇલિંગ દરમિયાન તમને લેટ ફી અને વધુ વ્યાજ વસૂલવામાં આવ્યું હોય, તો તમારા માટે સારા સમાચાર છે. કારણ કે વધારાના વ્યાજ અને લેટ ફીના પૈસા તમને પરત કરવામાં આવશે.
લેટ ફી અને વ્યાજ પરત કરવામાં આવશે
આવકવેરા વિભાગે કહ્યું છે કે સોફ્ટવેર ખામીને કારણે કરદાતાઓ દ્વારા ચૂકવવામાં આવતું વધારાનું વ્યાજ અને મોડી ફી તેમને પરત કરવામાં આવશે. તમને જણાવી દઈએ કે આવકવેરા વિભાગે છેલ્લા નાણાંકીય વર્ષ માટે ITR ભરવાની અંતિમ તારીખ 31 જુલાઈથી વધારીને 30 સપ્ટેમ્બર, 2021 કરી છે. કેટલાક કરદાતાઓએ ફરિયાદ કરી હતી કે જો તેઓ 31 જુલાઈ, 2021 પછી ટેક્સ રિટર્ન ફાઈલ કરી રહ્યા હોય તો તેમની પાસેથી લેટ ફી અને વ્યાજ લેવામાં આવે છે.
સોફ્ટવેર સુધારવામાં આવ્યું છે
હવે આવકવેરા વિભાગે જણાવ્યું છે કે વ્યાજની ખોટી ગણતરીને કારણે થયેલી ભૂલને દૂર કરવા માટે 1 ઓગસ્ટના રોજ ITR સોફ્ટવેરમાં સુધારો કરવામાં આવ્યો હતો. કરવેરા વિભાગે કરદાતાઓને સલાહ આપી છે કે તે ITR ફાઇલ કરવા માટે તેના નવીનતમ સંસ્કરણનો જ ઉપયોગ કરે.
CPC-ITR દરમિયાન સાચી ગણતરી કરવામાં આવશે
આવકવેરા વિભાગે ટ્વિટર પર લખ્યું છે કે જો કોઈએ ITR ( આઈટીઆર )દાખલ કર્યું હોય અને ખોટી રીતે લેટ ફી અથવા વ્યાજ વસૂલ્યું હોય, તો CPC-ITR ની પ્રક્રિયા દરમિયાન સાચી ગણતરી બાદ જો કોઈ વધારાની રકમ ઉભી થાય તો તે પરત આપવામાં આવશે. . આ સપ્તાહની શરૂઆતમાં, કેટલાક ચાર્ટર્ડ એકાઉન્ટન્ટ્સે જણાવ્યું હતું કે વપરાશકર્તાઓએ પહેલા દિવસથી જ સાઇટ પર તકનીકી સમસ્યાઓની ફરિયાદ કરી છે અને એક સપ્તાહ પછી બધું કામ થતું નથી. કરદાતાઓ અગાઉના ઈ-ફાઈલ કરેલા રિટર્ન જોવા અસમર્થ છે અને ઘણી સુવિધાઓ માટે ‘કમિંગ સુન’ લખેલું છે.
તમને જણાવી દઈએ કે નાણામંત્રી નિર્મલા સીતારમણે નવા રિટર્ન ફાઈલિંગ સોફ્ટવેર માટે મુદ્દા ઉઠાવ્યા હતા. તેમણે આ આવકવેરા વિભાગની સાઇટના વિકાસકર્તા ઇન્ફોસિસના અધિકારીઓ સાથે પણ બેઠક યોજી હતી અને તેમને સોફ્ટવેરમાં રહેલી ખામીઓ સુધારવા નિર્દેશ આપ્યો હતો. 7 જૂનના રોજ આવકવેરાનું નવું પોર્ટલ લોન્ચ કરવામાં આવ્યું, લોન્ચિંગના પહેલા જ દિવસથી તેમાં અનિયમિતતાની ફરિયાદો મળવા લાગી.
