લઘુત્તમ ટેકાના ભાવે ખરીદી મામલે કેન્દ્ર સરકારનો મોટો નિર્ણય, સરકાર કરશે આ કામ
લઘુતમ ટેકાના ભાવ MSP નો લાભ વેપારીઓ સુધી નહીં પણ સીધો ખેડૂતો સુધી પહોંચે તે સુનિશ્ચિત કરવા માટે, કેન્દ્ર સરકારે એક મોટો નિર્ણય કર્યો છે, જેમાં હવે સૌપ્રથમ વખત ડાંગરની ખરીદી પહેલા ખેડૂતોની જમીનના રેકોર્ડ જોવામાં આવશે.
આ સમગ્ર વ્યવસ્થા અપનાવવા પાછળનો મુખ્ય ઉદ્દેશ એ છે કે સરકાર જે ખરેખર ખેડૂતો છે તેમની પાસેથી પાક ખરીદે, વેપારીઓ પાસેથી નહીં. આ મામલે કૃષિ સચિવે જણાવ્યું હતું કે સરકારનો આશય એ સુનિશ્ચિત કરવાનો છે કે સાચા ખેડૂતોને MSP નો લાભ મળે, જેમાં સરકારે છેલ્લા પાંચ વર્ષમાં નોંધપાત્ર વધારો કર્યો છે.
ખાદ્ય સચિવ સુધાંશુ પાંડેએ સોમવારે આ માહિતી આપી. તેમણે પત્રકારોને જણાવ્યું હતું કે આસામ, ઉત્તરાખંડ અને જમ્મુ અને કાશ્મીર સિવાય મોટાભાગના રાજ્યો આ યોજના માટે તૈયાર છે. તેમણે આ હેતુ માટે કેન્દ્રની સૌથી પ્રમુખ પાક ખરીદ એજન્સી ફૂડ કોર્પોરેશન ઓફ ઇન્ડિયા (FCI) સાથે ડિજિટલ જમીન રેકોર્ડ શેર કર્યા છે.
પાંડેએ ભારપૂર્વક જણાવ્યું હતું કે આ નવી સિસ્ટમ ખેડૂતોના હિતમાં છે અને ખેડૂતો દ્વારા તેમની પોતાની જમીનમાં અથવા ભાડાની જમીનમાં ખેતી માટેનો પાક સરકાર દ્વારા ખરીદવામાં આવશે. “ખેડૂતો માટે જમીન હોવી કે ન હોવી જરૂરી નથી. જો ખેડૂતોએ કોઈપણ જમીન ખેતી કરી હોય તો તે ખરીદવામાં આવશે. આને ધ્યાનમાં રાખીને, ડિજિટલ જમીન રેકોર્ડ FCI સાથે સેન્ટ્રલી જોડાયેલા છે જેનાથી ખરીદ પ્રક્રિયા દરમિયાન મદદ મળશે.
પંજાબ સહિત મોટાભાગના રાજ્યો તૈયાર
આ સમગ્ર વ્યવસ્થા અપનાવવા પાછળનો મુખ્ય ઉદ્દેશ એ છે કે સરકાર વાસ્તવિક ખેડૂતો પાસેથી પાક ખરીદે છે વેપારીઓ પાસેથી નહીં. સચિવના જણાવ્યા અનુસાર પંજાબ સહિત મોટાભાગના રાજ્યો સંપૂર્ણ રીતે તૈયાર છે. દરેક રાજ્ય ઇચ્છે છે કે ખેડૂતોને સરકારી ખરીદી પ્રક્રિયાનો લાભ મળે, વેપારીઓને નહીં. તેમણે કહ્યું કે આ વ્યવસ્થા એ સુનિશ્ચિત કરશે કે લઘુતમ ટેકાના ભાવ (MSP) ખેડૂતો સુધી પહોંચે, વેપારીઓ સુધી નહીં. મીડિયા સામે ઉપસ્થિત કૃષિ સચિવે જણાવ્યું હતું કે સરકારનો હેતુ એ સુનિશ્ચિત કરવાનો છે કે સાચા ખેડૂતોને MSP પ્રાપ્તિનો લાભ મળે, જેમાં છેલ્લા પાંચ વર્ષોમાં નોંધપાત્ર વધારો કરવામાં આવ્યો છે.
સરકારનો હેતુ સાચા ખેડૂતોને લાભ આપવાનો છે
તેમણે કહ્યું કે ગત વર્ષ 2020-21 (ઓક્ટોબર-સપ્ટેમ્બર) માં 1 લાખ 65 હજાર 956.90 કરોડ રૂપિયાના MSP ભાવે રેકોર્ડ 879.01 લાખ ટન ડાંગરની ખરીદી કરવામાં આવી હતી, જ્યારે વર્ષ 2020-21 (એપ્રિલ-માર્ચ) માં , રેકોર્ડ 389.93 લાખ ટન ઘઉં 75 હજાર 60 કરોડ રૂપિયાના MSP ભાવે ખરીદી કરાયા છે. તેમણે કહ્યું કે છેલ્લા પાંચ વર્ષમાં આ પ્રયાસો માત્ર ખેડૂતોના હિતમાં કરવામાં આવી રહ્યા છે અને સરકાર MSPના લાભો વાસ્તવિક ખેડૂતો સુધી પહોંચવા માંગે છે.