ઓલમ્પિક રિંગ્સ અલગ અલગ રંગોની કેમ બનાવવામાં આવે છે, જાણો એ પાછળનું કારણ
ઓલિમ્પિકને ગેમ્સનો મહા કુંભ કહેવામાં આવે છે. આ રમત સ્પર્ધાનું દર ચાર વર્ષના અંતરે આયોજબ કરવામાં આવે છે. ઓલિમ્પિક ગેમ્સમાં ભાગ લેવો એ દરેક એથ્લેટનું સપનું હોય છે. આ રમત-ગમત સ્પર્ધામાં વિવિધ રમતોનું આયોજન કરવામાં આવ્યું છે. સ્વિમિંગ, વોલીબોલ, કુસ્તી, તીરંદાજી જેવી અન્ય ઘણી રમતો સાથે સંકળાયેલા ખેલાડીઓ તેમની રમત પ્રતિભાનું પ્રદર્શન કરે છે. વિન્ટર ઓલિમ્પિક 4 ફેબ્રુઆરીએ શરૂ થયું છે. ચીનના બેઇજિંગ શહેરમાં આ સ્પર્ધાનું આયોજન કરવામાં આવ્યું છે. વિન્ટર ઓલિમ્પિક્સમાં બરફ પર રમાતી રમતોનો સમાવેશ થાય છે. જો કે દરેક રમતનું પોતાનું રોમાંચ હોય છે, પરંતુ આજે આપણે ઓલિમ્પિક ધ્વજ વિશે વાત કરીશું. તમે નોંધ્યું હશે કે ઓલિમ્પિક ધ્વજમાં પાંચ રિંગ હોય છે અને તેનો રંગ પણ અલગ-અલગ હોય છે. ધ્વજની આ પાંચ રિંગનો અર્થ બહુ ઓછા લોકો જાણે છે. ચાલો જાણીએ આ રિંગનો અર્થ શું થાય છે.
ઓલિમ્પિકનો આ લોગો વર્ષ 1913માં બનાવવામાં આવ્યો હતો. પહેલા આ લોગોને ઓલિમ્પિક સિમ્બોલ કહેવામાં આવતું હતું, પરંતુ પછીથી તે ઓલિમ્પિક રિંગ્સ તરીકે ઓળખાવા લાગ્યું. આ લોગો પિયર ડી કુબર્ટિન દ્વારા ડિઝાઇન કરવામાં આવ્યો હતો. આ લોગો બનાવવાનો મુખ્ય હેતુ એ હતો કે ખેલાડીઓમાં ખેલદિલી જળવાઈ રહે. લોગોમાં સમાન કદની 5 રિંગ્સ છે. આ સાથે તેમને અલગ રંગ આપવામાં આવ્યો હતો. આ રંગોમાં વાદળી, પીળો, કાળો, લીલો અને લાલનો સમાવેશ થાય છે.
આ ઓલિમ્પિક રિંગ્સ વિશે લોકો માને છે કે દરેક રિંગ અલગ-અલગ ખંડનું પ્રતિનિધિત્વ કરે છે અને આ પાંચ ખંડોના ખેલાડીઓ આ ખેલ મહાકુંભમાં ભાગ લે છે. વાસ્તવમાં, આ સત્ય નથી. ઓલિમ્પિક ચાર્ટર મુજબ, ઓલિમ્પિક સિમ્બોલ ઓલિમ્પિકની મુવમેન્ટનું પ્રતિનિધિત્વ કરે છે.
1913માં જ્યારે આ પ્રતીક બનાવવામાં આવ્યું ત્યારે રાષ્ટ્રધ્વજની સફેદ બેકગ્રાઉન્ડ સાથે તે સમયના તમામ દેશોના ધ્વજને એકસાથે ભેળવીને 5 અલગ-અલગ રંગો બનાવવામાં આવ્યા હતા.
એવું કહેવાય છે કે આનું કારણ સમગ્ર વિશ્વની એકતા બતાવવા માટે દરેક ધ્વજના રંગોને આ પાંચ રંગોમાં બદલવાનું હતું. એવું કહેવું કે આ રિંગ્સ માત્ર એક ખંડનું પ્રતિનિધિત્વ કરે છે. આ સંપૂર્ણપણે સાચું નથી.