પ્રિયંકાથી લઈને ઐશ્વર્યા સુધી, બોલીવુડની આ હસીનાઓ સુંદરતા નિખારવા માટે કરે છે દહીંનો ઉપયોગ, જાણો એમની સિક્રેટ બ્યુટી રેસીપીઝ

દહીંથી બનેલો ફેસ માસ્ક તમારી ત્વચાને કાયાકલ્પ કરે છે અને તેને જરૂરી પોષણ આપે છે. દહીંમાં મધ, એલોવેરા, હળદર કે અન્ય ઘરગથ્થુ સામગ્રી મિક્સ કરીને ચહેરા પર લગાવો. આવો, જાણીએ બોલિવૂડની સુંદરીઓ પોતાની સુંદરતા વધારવા માટે દહીંનો ઉપયોગ કેવી રીતે કરે છે.

ઐશ્વર્યા રાય બચ્ચન

સૌથી સુંદર અભિનેત્રીઓમાંની એક, ઐશ્વર્યા રાય તેના ફ્લોલેસ કોમ્પલેક્શન અને બ્યુટીફૂલ સ્કિન માટે જાણીતી છે. અને તેની ત્વચાની સુંદરતા જાળવવા માટે, મોટે ભાગે ઘરની વસ્તુઓનો ઉપયોગ કરે છે. તે ફેસ પેક તરીકે દહીંનો ઉપયોગ કરે છે. તેઓ કહે છે કે તે માત્ર તેમની ત્વચાને મોઇશ્ચરાઇઝ નથી કરતું, પરંતુ તે તેમની ત્વચાને જુવાન પણ બનાવે છે. તેથી જો તમને પણ ઐશ્વર્યા જેવી ત્વચા જોઈતી હોય તો દહીંના ફેસ પેકનો નિયમિત ઉપયોગ કરો.

પ્રિયંકા ચોપરા

પ્રિયંકા તેના વાળ માટે દહીંનો ઉપયોગ કરે છે અને આ તેના સ્વસ્થ વાળનું રહસ્ય પણ છે. પ્રિયંકા તેના વાળમાં દહીં, ઈંડા અને મધથી બનેલું હેર પેક લગાવે છે. તેનાથી વાળ મજબૂત થાય છે અને ડ્રાય સ્કૅલ્પ અને ડેન્ડ્રફથી પણ છુટકારો મળે છે.

કિયારા આડવાણી

અભિનેત્રી કિયારા અડવાણી જેવી દોષરહિત અને ચમકદાર ત્વચા મેળવવી એ બેશક દરેક છોકરીની ઈચ્છા હશે. કિયારા લેક્ટોઝ સહિષ્ણુ હોવા છતાં, તે તેની ત્વચાને પોષણ આપવા માટે દહીંનો ઉપયોગ કરે છે. તે ચહેરા પર નિયમિત દહીં અને ચણાના લોટનું મિશ્રણ લગાવે છે.

સુરભી જ્યોતિ

ટીવીની ‘નાગિન બેલા’ એટલે કે સુરભી જ્યોતિની સુંદર ત્વચાનું રહસ્ય પણ દહીં છે. તેણે પોતાના ફેન્સ માટે યોગર્ટ ફેસપેક સિક્રેટ પણ શેર કર્યું છે. સુરભી જ્યોતિના દહીંનો ફેસ પેક બનાવવા માટે દોઢ ટેબલસ્પૂન હળદર પાવડર, 1-1 ટેબલસ્પૂન ચણાનો લોટ, વહીટ બ્રાન અને દહીંને 3-4 ટીપાં રોઝ વોટરમાં મિક્સ કરીને ચહેરા પર લગાવો અને સુકાઈ ગયા પછી ચહેરો ધોઈ લો.

અનન્યા પાંડે

અનન્યા તેની સ્કિનને હેલ્ધી-ગ્લોઇંગ બનાવવા માટે તમામ ઘરેલું રેસિપી ટ્રાય કરતી રહે છે. પરંતુ તેમને દહીંનો ફેસ પેક સ્કિન માટે બેસ્ટ ગમે છે. અનન્યા પાંડેનો ફેસમાસ્ક બનાવવા માટે, 1 ચમચી હળદર, અને ચમચી મધ અને 1 ચમચી દહીં મિક્સ કરો. ચહેરા પર લગાવો. 15 મિનિટ પછી ચહેરો ધોઈ લો.

મીરા રાજપૂત

શાહિદ કપૂરની પત્ની મીરા રાજપૂતની સ્કીનના લોકો દિવાના છે. મીરા અવારનવાર સોશિયલ મીડિયા પર તેની સ્કિન કેર ટિપ્સ અને હોમ ફેસ પેક શેર કરતી રહે છે. મીરા ક્યારેય ફેશિયલ નથી કરતી અને ઘરે જ 4 સ્ટેપ ગ્લો ફેશિયલ કરે છે. એ માટે એ દહીં અને બેસન યુઝ કરે છે