ટૈરો રાશિફળ : આજે ચિંતા કરવાની જગ્યાએ સંયમ રાખવો
ટૈરો રાશિફળ : આજે ચિંતા કરવાની જગ્યાએ સંયમ રાખવો
મેષ- આજે ચિંતા કરવાની જગ્યાએ સંયમ રાખવાનો પ્રયત્ન કરો. આત્મવિશ્વાસ જાળવો, લાંબા સમયથી રાહ જોવાતી હતી તે કાર્ય પૂર્ણ થવાની સંભાવના છે. ઓફિસના તમારા કાર્યને ખૂબ જ મહેનતથી કરો. ભાગ્યનો સાથ મળવાની સંભાવના છે. આજના સમય મુજબ પોતાને અપડેટ રાખવું મહત્વપૂર્ણ છે. કારખાનામાં કે દુકાનમાં આગ, અકસ્માત અંગે ઉદ્યોગપતિઓએ સજાગ રહેવું પડશે. જો તમને લીવરની કોઈ સમસ્યા હોય તો સાવચેત રહો. ઘરના વડીલોની તબિયત ખરાબ થઈ શકે છે, તેમનું યોગ્ય ધ્યાન રાખો.
વૃષભ – આ દિવસે બિનજરૂરી ચિંતાઓ તાણનું કારણ બની શકે છે. ધૈર્ય રાખશો તો બધા કામ સમય સાથે થઈ જશે. આજે કાર્યસ્થળ અથવા ઓફિસમાં પરિવર્તનની સંભાવના છે. રમકડાનો વ્યવસાય કરનારા લોકોને ફાયદો થશે. યુવાનો ટેકનોલોજીનો ઉપયોગ સાવચેતીપૂર્વક કરે. કામમાં આળસ નુકસાનકારક હોઈ શકે છે. વિદ્યાર્થીઓએ અભ્યાસ તરફ ધ્યાન આપવાની જરૂર છે. સગર્ભા સ્ત્રીઓએ તેમના સ્વાસ્થ્યની કાળજી લેવી જોઈએ. ડોક્ટર દ્વારા આપવામાં આવેલી સલાહનું પાલન કરવું જોઈએ. રોગચાળાથી સાવચેત રહો.
મિથુન- આ દિવસે નિરાશ ન થશો. સ્વાસ્થ્ય સંબંધિત બાબતો માટે મોટું રોકાણ કરવાનો પ્રયાસ કરો. ઉચ્ચ અધિકારીઓની વાત પરેશાન કરી શકે છે, પરંતુ તમારી જાતને માનસિક રીતે મજબૂત રાખો. ઉદ્યોગપતિઓને નવી ભાગીદારીની ઓફર આવી શકે છે. ધ્યાનમાં રાખો કે નુકસાન અને લાભ વિશે પારદર્શિતા હોવી જોઈએ. અભ્યાસ માટે વિદ્યાર્થીઓએ નવી પદ્ધતિઓ અપનાવી જોઈએ. અસ્થમાના દર્દીઓએ સાવધાન રહેવાની જરૂર છે. જો કોઈ કાનૂની કાર્યવાહી કે કોઈ કેસ ચાલી રહ્યો હોય તો તેના પર ધ્યાન આપો.
કર્ક- આ દિવસે વાણીમાં નમ્રતા જાળવી રાખો, નહીં તો લોકો તમારો સ્વભાવ જોયા પછી ગુસ્સે થઈ શકે છે. ઓફિસમાં દરેકનો સહયોગ મળશે. ટીમને પ્રોત્સાહન આપવું. વેપારીઓને સારો લાભ મળશે. સંજોગો અનુસાર યુવાનોએ હિંમત અને શક્તિના બળ પર યોગ્ય નિર્ણય લેવાની ઈચ્છાશક્તિ બતાવવી પડશે. વિદ્યાર્થીઓ માટે દિવસ સામાન્ય રહેશે. જો તમે કોઈ લાંબી બિમારીથી સંઘર્ષ કરી રહ્યા છો, તો સમસ્યા વધી શકે છે. પરિવારમાં કેટલાક મહત્વપૂર્ણ મુદ્દાઓની ચર્ચા થઈ શકે છે. કોઈપણ જૂના વિવાદનું સમાધાન થઈ શકે છે.
સિંહ- આ દિવસે બિનજરૂરી વિવાદથી બચો. બિનજરૂરી બાબતોમાં વધુ વિચારવું મુશ્કેલીનું કારણ બની શકે છે. દિવસ ખુશીથી વિતાવો. જેઓ નોકરીમાં મેનેજમેન્ટ સાથે સંકળાયેલા છે, તેઓને સારી સફળતા મળી શકે છે. ટીમને સારી સલાહ અને સારું માર્ગદર્શન વધુ સારા પરિણામ આપશે. અત્યારે નવી નોકરી શરૂ કરવી જોખમી બની શકે છે. વિદ્યાર્થીઓએ અભ્યાસમાં ધ્યાન આપવું પડશે. આરોગ્યની બાબતમાં કામના ભારને લીધે થાક લાગી શકે છે. જો તમે પરિવારમાં ધાર્મિક કાર્ય કરવા માંગતા હોય તો બધા સભ્યોનો સહકાર મળશે.
કન્યા – જો આ દિવસે તમારી ઇચ્છા મુજબની કામ ન થાય તો ઉદાસ થશો નહીં. ઓફિસમાં સાથીદાર પર ગુસ્સે થવું નહીં. સમયની માંગને ધ્યાનમાં રાખીને વ્યક્તિએ ધીરજ રાખવી જોઈએ. જેઓ ઘરથી દૂર રહી કામ કરે છે તેમના માટે મુશ્કેલી વધી શકે છે. સરકારી નોકરી કરતા લોકોને બઢતી અથવા પગારમાં વધારો મળી શકે છે. વેપારીઓ કે જેઓ વ્યવસાયમાં પરિવર્તન લાવવા માંગે છે, તેઓએ આ સમયે કોઈપણ નિર્ણય પર પહોંચતા પહેલા કાળજીપૂર્વક વિચારવું જોઈએ. સ્વાસ્થ્યમાં અચાનક શારીરિક નબળાઈ અનુભવાશે. એકંદરે સારા સમાચાર મળવાની સંભાવના છે.
તુલા – આજનો દિવસની શરૂઆત પડકારજનક હોઈ શકે છે. પરંતુ સમસ્યાઓ દિવસ પુરો થતા સુધીમાં સામાન્ય થઈ જશે. નિરાશાને તમારા પર હાવી થવા ન દો. જો તમારી પાસે ઓફિસમાં ઇચ્છિત કામ ન આવે તો મૂડ બગાડો નહીં. સોફ્ટવેરથી સંબંધિત કામ કરતાં લોકોને સારી ઓફર મળશે. રોગચાળાને ધ્યાનમાં રાખીને કારણવિના ઘરની બહાર ભટકવાનું ટાળો. જો તમને કોઈ પણ પ્રકારનું વ્યસન છે તો પછી મન મજબૂત કરી તેને છોડી દો. કોઈ પણ આહાર એવો ન લો જે તમારું સ્વાસ્થ્ય બગાડે.
વૃશ્ચિક- છેલ્લા કેટલાક દિવસોમાં અનુભવાયેલી પીડા અથવા તાણથી રાહત મળવાનો આજનો દિવસ રહેશે. મનમાં સકારાત્મક વિચારોની આપ-લે થશે. તમારી ઊર્જાને યોગ્ય દિશામાં વહેતી રાખો. ઓફિસની કામગીરી તરફ થોડું વધારે ધ્યાન આપવાની જરૂર રહેશે. જેઓ બેંકિંગ ક્ષેત્રે કામ કરે છે, તેઓની બઢતી સાથે બદલી થઈ શકે છે. વાહનનો ધંધો કરતા પૈસાના વ્યવહાર વિશે વિચારે, પૈસાની ખોટ થવાની સંભાવના છે. માંદગી ચાલતી હોય તે લોકોએ બેદરકારી દાખવવી ન જોઈએ.
ધન – આ દિવસે ગુસ્સાભર્યું વર્તન તમારી પ્રતિષ્ઠાને બગાડી શકે છે, આવી સ્થિતિમાં ઓછું બોલવું એ વધુ સારું હશે. ઓફિસના કામો વિશે કોઈ સારા સમાચાર મળવાની સંભાવના છે, બીજી તરફ તમારું નામ પ્રમોશન યાદીમાં દેખાઈ શકે છે. વેપારી વર્ગો નિયમિત ગ્રાહકો સાથે ઉધારી અંગે વાત કરી લે, અન્યથા ધંધામાં વિવાદિત પરિસ્થિતિઓ ઊભી થઈ શકે છે. ઓનલાઇન વ્યવસાય કરતાં લોકોએ તેમાં ધ્યાન આપવું જોઈએ. આરોગ્ય પ્રત્યે સજાગ રહો અને રોગપ્રતિકારક શક્તિમાં વધારો થાય તેવા પ્રયત્ન કરો.
મકર – આજે કાર્ય કરવાના જૂના નિયમો બદલવાની જરૂર છે. હવે તમારા હાથમાં તે જ કાર્યો લો જેને પૂર્ણ કરવા માટે તમે નિપુણ છો અને કુશળ છો. સત્તાવાર કાર્ય માટે વરિષ્ઠ લોકોનું પ્રોત્સાહન મળશે. નોકરીમાં બઢતી મળવાની સંભાવના છે. છૂટક વેપારીઓ આર્થિક પ્રગતિ કરશે. પરંતુ નિર્ણય લેતી વખતે વધારે નફાની લાલચથી બચવું. જો કોઈ રોગ સ્વાસ્થ્યને લઇને પરેશાની કરે છે, તો તેને આજથી થોડી રાહત મળે તેમ લાગે છે. જો તમને સહાયની જરૂર હોય, તો તમે ભાઈ-બહેનોને વિનંતી કરી શકો છો. રોગચાળાને ધ્યાનમાં રાખીને યાત્રા કરવાનું ટાળો.
કુંભ – આ દિવસે સમયની ઉપયોગિતા અને યોગ્ય રોકાણ તમને સફળતાના દ્વાર તરફ દોરી શકે છે. આજે દરેક કાર્ય સકારાત્મક વિચારોને ધ્યાનમાં રાખીને સારી રીતે કરવામાં આવશે. વિશ્વસનીય વ્યક્તિને જીવનસાથી અથવા ભાગીદાર બનાવો. જો તમે દવાનો ધંધો કરી રહ્યા છો, તો સરકારી દસ્તાવેજોને સાચવીને રાખો, ભવિષ્યમાં તેની જરૂર પડી શકે છે. યુવાનોએ ધ્યાન કરવાની જરૂર છે.. વૃદ્ધો અને મહિલાઓના સ્વાસ્થ્યનું ધ્યાન રાખો. પરિવાર માટે કઠોર નિર્ણયો ન લો.
મીન – આ દિવસે જો મન વિચલિત થાય છે, તો પછી ગુરુ જેવી વ્યક્તિ પાસે માર્ગદર્શન માટે જવું. અધૂરા કામથી અસ્વસ્થતા વધી શકે છે. બિઝનેસમાં જોખમ લેવું ફાયદાકારક સાબિત થશે. નોકરી કરતા લોકો માટે આ તણાવપૂર્ણ દિવસ બની શકે છે. લાકડાના વેપારીઓ લાભ મેળવશે. યુવાનોએ કારકિર્દી અંગે માતાપિતાની સલાહને પ્રાધાન્ય આપવાની જરૂર છે. બદલાતા વાતાવરણથી તાવ આવે તેવી સંભાવના છે. ઘરમાં મચ્છરોનો પ્રકોપ હોય તો સાવધાન રહો.
