બેન્ક કર્મચારીઓના ફેમીલી પેંશનમાં કરાયો ભારે વધારો, જાણો કર્મચારીના નિધન બાદ દરેક પરિવારને મળશે કેટલા રૂપિયા

બેન્ક કર્મચારીઓના ફેમીલી પેંશનને લઈને સરકારે એક મોટો નિર્ણય કર્યો છે. હવે એવા કર્મચારીઓના ફેમીલી પેંશનમાં 30 ટકા સુધી વધારો કરવામાં આવ્યો છે. પાછલા પેંસનની સરખામણીમાં હવે 30 ટકા વધુ ફેમીલી પેંશન મળશે. એ સાથે જ સરકારી બેન્ક કર્મચારીઓ તરફથી નેશનલ પેંશન સ્કીમમાં પહેલા 14 ટકા વધુ રાશિ જમા કરવામાં આવશે. કર્મચારીઓ તરફથી આ પૈસા બેન્ક એનપીએસમાં જમા કરાવે છે.

સરકારની આ ઘોષણથી બેન્ક કર્મચારીઓના પરિવારને મોટી રાહત મળી છે. ફેમીલી પેંશન વધારવાની માંગ લાંબા સમયથી કરવામાં આવી રહી હતી. એ માટે ઇન્ડિયન બેન્કિંગ એસોસિયેશને સરકારની સામે એક પ્રસ્તાવ રાખ્યો હતો જેને માની લેવામાં આવ્યો છે. બેન્ક કર્મચારીને જેટલી અંતિમ સેલરી મળી હતી એનાથી 30 ટકા વધારીને ફેમીલી પેંશન તરીકે આપવામાં આવશે. સરકારના આ પગલાંથી બેન્ક કર્મચારીના પ્રતિ પરિવારને 30000 રૂપિયાથી 35000 રૂપિયા સુધીનો ફાયદો થશે. એટલે કે એક પરિવારને જે પહેલા ફેમીલી પેંશન મળતું હતું એમાં 30- 35 હજાર રૂપિયાનો ફાયદો થશે..

સરકારના આ પગલાંની ઘોષણા બુધવારે મુંબઈમાં કરવામાં આવી. એની ઘોષણા વિત્ત મંત્રાલયના વિત્ત વિભાગમાં સચિવે કરી. કેન્દ્રીય વિત્ત મંત્રી નિર્મલા સીતારમણએ બુધવારે ઓનલાઇન કોંફરસિંગ દ્વારા સરકારી બેંકોના કર્મચારી સાથે બેઠક કરી. આ બેઠક દરમિયાન ફેમીલી પેંશન વધારવાની ઘોષણા કરવામાં આવી.

અત્યાર સુધી બેન્ક કર્મચારીઓને ત્રણ સ્લેબ હેઠળ પેંશન આપવામાં આવતું હતું. એમાં 15 ટકા, 20 ટકા અને 30 ટકાનો સ્લેબ સામેલ છે. આ સ્લેબ અંતિમ સેલરીમાં હિસાબે નિર્ધારિત કરવામાં આવી હતી. એની વધારેમાં વધારે સીમા 9284 રૂપિયા સુધી સમિતિ રાખવામાં આવી હતી. હવે આ સીમાને ખતમ કરી દેવામાં આવી છે. બધા કર્મચારીઓ માટે ફક્ત 30 ટકાનો સ્લેબ માન્ય કરી દેવામાં આવ્યો છે. એ સાથે બેન્ક કર્મચારીઓના એનપીએસમાં જમા કરવામાં આવતા પૈસા પણ પહેલા કરતા વધારી દેવામાં આવ્યા છે. એમ 14 ટકાની વૃદ્ધિ કરવામાં આવી છે. પહેલા એનપીએસમાં યોગદાનની રાશિ 10 ટકા હતી પણ હવે એ 14 ટકા કરી દેવામાં આવી છે.

આ મહિનાની શરુઆતમાં બેન્ક કર્મચારી અને પેંશનરનો મોંઘવારી ભત્તું વધારવાની ઘોષણા થઈ હતી. ડીએની વધેલી રકમ ઓગસ્ટ મહિનાથી મળશે. ડીએની અવધિ ઓગસ્ટથી ઓક્ટોબર માટે હશે. 11માં બીપીએસ સેલરી સ્ટ્રક્ચર હેઠળ ડીએ વધારવામાં આવ્યું છે. છેલ્લા ત્રિમાસિકમાં બેન્ક કર્મચારીઓનું ડીએ 2.1 ટકાની વૃદ્ધિ કરવામાં આવી હતી જે વધારીને 26.79 ટકા થઈ ગઈ છે 10માં બીપીએસ હેઠળ બેન્ક કર્મચારીઓના છેલ્લા ત્રિમાસિકની સરખામણીએ ડીએમાં 3 ટકાની વૃદ્ધિ કરવામાં આવી હતી. આ નિર્ણયથી બેંકના 8 લાખ કર્મચારીઓને ફાયદો થશે. એનાથી કર્મચારીઓની નેટ સેલરી વધી જશે. એનો ફાયદો બેઝિક સેલરી પર પણ દેખાશે.