ભાભીજી ઘર પર હેએ લગાવી અન્ય એક સિક્સર, એટલે ગીનીઝ બુકમાં નોંધાયું આસિફ શેખનું નામ
સિરિયલ ભાબીજી ઘર પર હૈએ 1700 એપિસોડ પૂરા કરીને તેની સિદ્ધિઓની લાંબી યાદીમાં વધુ એક સિદ્ધિ ઉમેરી છે. આ શોમાં વિભૂતિ નારાયણ મિશ્રા તરીકે આસિફ શેખ, અંગૂરી ભાબી તરીકે શુભાંગી અત્રે, મનમોહન તિવારી તરીકે રોહિતાશ્વ ગૌર, અનિતા ભાબી તરીકે નેહા પેંડસે, સક્સેના તરીકે સાનંદ વર્મા, રૂસા તરીકે ચારુલ મલિક, ટીકા તરીકે વૈભવ માથુર, દિપેશ ભાન જેવા ઘણા પ્રખ્યાત કલાકારો છે. મલખાન અને ટિલ્લુ તરીકે સૈયદ સલીમ ઝૈદી કામ કરી રહ્યા છે.આ શો ભારતીય ટેલિવિઝન પર તેના વિચિત્ર પાત્રો, રમુજી સંવાદો અને મિશ્રા અને તિવારી વચ્ચે એકબીજાની પત્નીઓને જીતવા માટે ચાલી રહેલ ઝઘડા માટે ખૂબ જ લોકપ્રિય રહ્યો છે.
આ સફળતા પર અભિનેતા આસિફ શેખ કહે છે, “આ શોએ મને મારી કળા અને કારીગરી એક્સપલોર કરવાની સંપૂર્ણ સ્વતંત્રતા આપી છે. મેં ક્યારેય વિચાર્યું ન હતું કે મને એક જ શોમાં 300 થી વધુ અનોખા પાત્રો ભજવવાની તક મળશે અને આ માટે મારું નામ ગિનીસ બુક ઓફ વર્લ્ડ રેકોર્ડમાં નોંધવામાં આવશે. હું આ તક માટે હંમેશા આભારી રહીશ અને આશા રાખું છું કે આ શો દરરોજ આ રીતે સફળતાની ઊંચાઈઓ સર કરતો રહે.”
બીજી તરફ, શુભાંગી અત્રે (અંગુરી ભાબી)એ કહ્યું, “1700 એપિસોડની સફર પૂરી કરવી એ આપણા બધા માટે એક મોટી ઉપલબ્ધિ છે. હું આ અદ્ભુત ટીમનો ભાગ બનીને ખૂબ જ ખુશ છું અને હું શોના નિર્માતાઓનો ખૂબ આભારી છું કે તેઓએ મને અંગૂરી ભાબીનું પાત્ર ભજવવાની તક આપી. આ શોના દરેક પાત્રને સુંદર રીતે લખવામાં આવ્યું છે અને તે બધાની પોતાની
રોહિતાશ્વ ગૌર (મનમોહન તિવારી) સિરિયલની આ સિદ્ધિ પર કહે છે, “હું આ શોના પ્રેમમાં છું અને તેણે મારી કારકિર્દીને ઘડવામાં મોટી ભૂમિકા ભજવી છે અને મને મહાન દર્શકો આપ્યા છે. મને મનમોહન તિવારીનું પાત્ર ભજવવાની ખૂબ જ મજા આવે છે અને મને ખુશી છે કે દર્શકો મને સ્ક્રીન પર ખૂબ પ્રેમ કરે છે.
આ શોમાં અનિતા ભાભીનું પાત્ર ભજવતી નેહા પેંડસે કહે છે, “હું આ વર્ષે આ શોમાં જોડાઈ છું, પરંતુ એવું લાગે છે કે હું ઘણા વર્ષોથી આ શો કરી રહી છું. હું અનિતા ભાભીનું પાત્ર ભજવી રહી છું, જે એક મજબૂત અને સ્વતંત્ર મહિલા છે. મને લાગે છે કે 1700 એપિસોડની સફર પૂરી કરવી એ મારી અંગત સિદ્ધિ છે. આ સિદ્ધિ બદલ સૌને ખૂબ ખૂબ અભિનંદન.
