આ કલાકારોએ કર્યા હતા ડેસ્ટિનેશન વેડિંગ, દીપિકા રણવીરથી લઈને લિઝા હેડનના લગ્ન હતા શાનદાર

કેટરિના કૈફ અને વિકી કૌશલ સહિત અનેક બોલિવૂડ સેલિબ્રિટીઓએ ડેસ્ટિનેશન વેડિંગ કર્યા છે. માત્ર ડેસ્ટિનેશન જ નહીં, સેલેબ યુગલો કિલ્લાઓમાં રાજસી ઠાઠ સાથે લગ્ન કર્યા છે. પણ આ કઈ બોલિવુડના પહેલા ડેસ્ટિનેશન વેડિંગ નહોતા આ પહેલા પણ ઘણા સ્ટાર્સના ડેસ્ટિનેશન વેડિંગ ચર્ચામાં રહ્યા છે

વિરાટ કોહલી અને અનુષ્કા શર્મા

વિરાટ અને અનુષ્કાના ડેસ્ટિનેશન વેડિંગ ખૂબ જ લોકપ્રિય હતા. અનુષ્કા અને વિરાટે ભારતથી હજારો માઈલ દૂર ઈટાલીમાં ફેરી ટેલ વેડિંગ પ્લાન બનાવ્યો હતો. વિરાટ અને અનુષ્કા ફ્લોરેન્સના ટસ્કની એકબીજાને વરમાળા પહેરાવી. બંનેના લગ્ન બોર્ગો ફિનાસીટો રિસોર્ટમાં થયા હતા. આ રિસોર્ટ 700 વર્ષ જૂનો છે. આ રિસોર્ટ પહાડોની વચ્ચે આવેલું છે.14મી સદીના આ ગામમાં 8 વર્ષ સુધી રિનોવેશન કરીને રિસોર્ટ બનાવ્યો અને કિલ્લા જેવા રિસોર્ટમાં અનુષ્કા વિરાટની દુલ્હન બની. આ રિસોર્ટમાં એક રાતનું ભાડું લગભગ 12 લાખ રૂપિયા છે

પ્રિયંકા ચોપરા અને નિક જોનસ

આ યાદીમાં બોલિવૂડની દેશી ગર્લ પ્રિયંકા ચોપરાનું નામ પણ છે. પ્રિયંકા ચોપરાએ યુવા અભિનેત્રીઓમાં રાજસ્થાનમાં લગ્ન કરવાનો ટ્રેન્ડ શરૂ કર્યો છે. વર્ષ 2018 માં, દેશી ગર્લના રાજસ્થાનના ઉમેદ ભવન પેલેસમાં તેના વિદેશી બોયફ્રેન્ડ નિક જોનાસ સાથે શાહી લગ્ન થયા હતા. પીસીના લગ્નનું ફંક્શન ત્રણ દિવસ સુધી ચાલ્યું અને અહીં હિંદુ અને ખ્રિસ્તી રિવાજો પ્રમાણે ભવ્ય લગ્ન થયા. સોશિયલ મીડિયા પર ઘણી તસવીરો પણ વાયરલ થઈ હતી.

દીપિકા પાદુકોણ અને રણવીર સિંહ

વર્ષ 2018માં દીપિકા પાદુકોણે પણ ઈટાલીના લેક કોમોમાં લગ્ન કર્યા હતા. દીપિકા રણવીરે પણ વિદેશમાં ડેસ્ટિનેશન વેડિંગ કર્યા હતા. લગ્ન માટે ઈટલીના ‘લેક કોમો’ પર નિર્ણય કર્યો. આ સ્થળ ઇટાલીના લોમ્બાર્ડીમાં છે. આ તળાવ પાસે એક ખૂબ જ સુંદર વિલા છે જ્યાં દીપિકા અને રણવીરે કોંકણી અને સિંધી રીતિ-રિવાજ મુજબ લગ્ન કર્યા હતા.

ઇશા અંબાણી અને આનંદ પરિમલ

ઈશા અંબાણી અને આનંદ પરિમલના લગ્ન તેમના મુંબઈના ઘરે થયા હતા, પરંતુ અંબાણી પરિવારે ઉદયપુરના ઓબરોય ઉદયવિલાસમાં પ્રી-વેડિંગ ફંક્શન કર્યું હતું

રવીના ટંડન અને અનિલ થડાની

બોલિવૂડ અભિનેત્રી રવિના ટંડને વર્ષ 2004માં ફિલ્મ ડિસ્ટ્રીબ્યુટર અનિલ થડાની સાથે લગ્ન કર્યા હતા. અભિનેત્રીએ આ લગ્ન ઉદયપુરના જગ મંદિરમાં કર્યા હતા. તમને જણાવી દઈએ કે રવીનાના લગ્ન માટે ઉદયપુર પેલેસને ખાસ સજાવવામાં આવ્યો હતો.

નિલ નીતિન મુકેશ અને રૂકમણી સહાય

અભિનેતા નીલ નીતિન મુકેશે પણ લગ્ન માટે રાજસ્થાન પસંદ કર્યું હતું. મીડિયા રિપોર્ટ્સ અનુસાર, વર્ષ 2017માં નીલે તેની ગર્લફ્રેન્ડ રૂકમણી સહાય સાથે ઉદયપુરના રેડિસન બ્લુ રિસોર્ટમાં લગ્ન કર્યા હતા. આ લગ્નમાં બોલિવૂડના ઘણા પ્રખ્યાત સ્ટાર્સે હાજરી આપી હતી.

આદિત્ય ચોપરા અને રાની મુખર્જી

અનુષ્કા શર્માની જેમ રાની મુખર્જીએ પણ ઈટાલીમાં લગ્ન કર્યા હતા. વર્ષ 2014માં રાની અને તેનો આખો પરિવાર ગુપ્ત રીતે ઈટાલી પહોંચી ગયો અને ત્યાં તેણે ફિલ્મ મેકર આદિત્ય ચોપરા સાથે લગ્ન કર્યા. 21 એપ્રિલે રાનીએ ઈટાલીના એક રિસોર્ટમાં આદિત્ય ચોપરા સાથે લગ્ન કર્યા હતા. કેટલાક સંબંધીઓ અને નજીકના મિત્રોની હાજરીમાં રાનીએ આદિત્ય સાથે સાત ફેરા લીધા. રાનીએ આદિત્ય ચોપરા સાથે એવી રીતે સિક્રેટ લગ્ન કર્યા કે આજ સુધી તેના લગ્નની કોઈ તસવીર ચાહકોએ જોઈ નથી.

લિઝા હેડન અને ડીનો લાલવાની

લિસાએ 29 જૂન 2016ના રોજ તેના ભારતીય મૂળના બ્રિટિશ બોયફ્રેન્ડ ડીનો લાલવાણી સાથે લગ્ન કર્યા હતા. લિસાએ ડિનો લાલવાણી સાથે ડેસ્ટિનેશન વેડિંગ કર્યું હતું. લગ્ન સમુદ્ર કિનારે થાઈલેન્ડના પુકેતમાં થયા હતા. તેમના ડેસ્ટિનેશન વેડિંગ ખૂબ જ સુંદર હતા.