IPL ટીમ માટે આ વખતે દીપિકા પાદુકોણ અને રણવીર સિંહે પણ બોલી લગાવી, જાણો બીજા કોણે કોણે રસ દાખવ્યો
બોલિવૂડ અને IPLનો સંબંધ ખૂબ જૂનો છે.. અને તેનો અંદાજ લગાવી શકાય છે IPLની ટીમના માલિકો પરથી.. અત્યાર સુધી કિંગ ખાન શાહરૂખ, જૂહી ચાલવા, પ્રિટી ઝીંટાની ટીમ IPLની મેચ રમી રહી છે.. ત્યારે હવે વધુ એક નામ જોડાવવા જઇ રહ્યું છે. અને તે છે બોલિવૂડની હોટ એક્ટ્રેસ દિપિકા પાદુકોણ અને રણવીર સિંહનુ.. બોલિવૂડમાં ધમાલ મચાવ્યા બાદ હવે આ જોડી ક્રિકેટના મેદાનમાં ઉતરી રહી છે..પરંતુ ક્રિકેટ રમવા નહીં રમાડવા માટે
IPLમાં હવે 8ને બદલે 10 ફ્રેન્ચાઇઝી ટીમ હશે. બે નવી ફ્રેન્ચાઇઝી ટીમ આ વર્ષે IPL સાથે જોડાશે અને આવતા વર્ષે મેદાનમાં રમવા ઉતરશે. ભારતીય ક્રિકેટ કંટ્રોલ બોર્ડ એટલે કે BCCIએ હાલમાં જ કહ્યું હતું કે બે નવી ફ્રેન્ચાઇઝી માટે બોલી મગાવવામાં આવી છે, કારણ કે આવતા વર્ષે ખેલાડીઓનું મેગા ઓક્શન થવાનું છે. મીડિયા રિપોર્ટ પ્રમાણે, દીપિકા પાદુકોણ તથા રણવીર સિંહે નવી IPL ટીમ માટે બોલી લગાવી છે. આ દરમિયાન કોલકાતા નાઇટ રાઇડર્સ (KKR)ના કેપ્ટન રહી ચૂકેલા દિનેશ કાર્તિકે જર્સી અંગે બંનેની મજાક કરી હતી.
The jerseys gonna be interesting for that team 😜 https://t.co/mH4tatYM9T
— DK (@DineshKarthik) October 22, 2021
‘આઉટલુક’ના રિપોર્ટ પ્રમાણે, દીપિકા તથા રણવીર સિંહે પણ બોલી લગાવી છે. ઉલ્લેખનીય છે કે બોલિવૂડ તથા IPLના સંબંધ જૂનો છે. IPLમાં શાહરુખ-જૂહીની KKR ટીમ છે અને પ્રીટિ ઝિન્ટા પંજાબ કિંગ્સની માલિક છે.
દિનેશ કાર્તિકે મજાક કરી તો ચાહકોએ પણ જર્સી અંગે પોસ્ટ શૅર કરી
Deepika Padukone & Ranveer Singh set to bid for the two new IPL team for 2022 season. (Source – Outlook Media)
— Johns. (@CricCrazyJohns) October 22, 2021
બોર્ડને ટેન્ડર ખરીદવાની તારીખ વધારવા ટકોર કરાઈ હતી
IPLની ગવર્નિંગ કાઉન્સિલે 31 ઓગસ્ટના રોજ રિફંડપાત્ર ટેન્ડર ફીની ચુકવણી સામે ઉપલબ્ધ ટેન્ડર દસ્તાવેજ માટે ડોક્યુમેન્ટ જાહેર કર્યા હતા. 2022ની IPL ટીમ ખરીદવામાં રસ ધરાવતા પક્ષોએ BCCIને ટેન્ડર ખરીદવાની તારીખ વધારવા વિનંતી કરી હતી. 10 ઓક્ટોબરના રોજ, ભારતીય ક્રિકેટ કંટ્રોલ બોર્ડના સચિવ જય શાહે એક નિવેદનમાં જણાવ્યું હતું કે IPL ટીમની ખરીદીમાં સામેલ રસ ધરાવતા પક્ષોએ બોર્ડને ટેન્ડર ખરીદવાની તારીખ વધારવા કહ્યું હતું. ગવર્નિંગ કાઉન્સિલના જણાવ્યા મુજબ, ITT માટે રસ ધરાવતા પક્ષોએ બિન-પરતપાત્ર ટેન્ડર ફી અને તેના પર લાગુ કોઈપણ ટેક્સ તરીકે 10 લાખ રૂપિયા જમા કરાવવાના રહેશે. આમંત્રણ દસ્તાવેજમાં દર્શાવેલી અન્ય તમામ શરતો પણ લાગુ પડશે. રસ ધરાવતા પક્ષો [email protected] પર ઇમેઇલ કરીને ITT ખરીદવા માટે વધુ માહિતી મળી જશે.
આ લોકો ટેન્ડર ડોક્યુમેન્ટ ખરીદ્યા
- સંજીવ ગોયેન્કા-આરપીએસજીના પ્રમોટર
- ગ્લેજર ફેમિલી-માન્ચેસ્ટર યુનાઈટેડના માલિક
- અદાણી ગ્રુપ પ્રમોટર્સ
- નવીન જિંદાલ – જિંદાલ પાવર અને સ્ટીલ
- ટોરેન્ટ ફાર્મા
- રોની સ્ક્રૂવાલા
- અરબિંદો ફાર્મા
- કોટક ગ્રુપ
- સીવીસી પાર્ટનર્સ
- સિંગાપોરની પીઈ ફર્મ
- હિન્દુસ્તાન ટાઈમ્સ મીડિયા
- બ્રોડકાસ્ટ અને સ્પોર્ટ્સ કન્સલ્ટિંગ એજન્સી આઈટીડબ્લ્યુ
- ગ્રૂપ એમ
દુબઈમાં 25 ઓક્ટોબરે નવી ટીમોનાં નામની જાહેરાત કરાશે
Deepika Padukone & Ranveer Singh set to bid for the two new IPL team for 2022 season. (Source – Outlook Media)
— Johns. (@CricCrazyJohns) October 22, 2021
IPLની આગામી સીઝનમાં બે નવી ટીમ ઉમેરાઈ જશે, એટલે કે 2022થી 10 ટીમ આ લીગમાં રમશે. આ ટીમને ખરીદવા માટે માન્ચેસ્ટર યુનાઈટેડ જેવી મોટી ફૂટબોલ ક્લબના માલિક ગ્લેજર ફેમિલી અને ફોર્મ્યુલા-1ના માલિક સીવીસી પાર્ટનર પર રેસમાં સામેલ થઈ ગયા છે. ટીમ ખરીદવા માટે ટેન્ડર ભરવાની છેલ્લી તારીખ 20 ઓક્ટોબર હતી. BCCIએ ટેન્ડર માટે અરજી જમા કરવાની છેલ્લી તારીખ 1 ઓગસ્ટ નક્કી કરી હતી. તેને આગળ વધારી 10 ઓક્ટોબર કરાઈ હતી. પછી ત્રીજી વખત છેલ્લી તારીખને આગળ વધારતાં 20 ઓક્ટોબર કરાઈ હતી. જ્યારે અરજી ફોર્મ ખરીદવાની ફી 10 લાખ રૂપિયા નક્કી કરાઈ હતી, જે રિફંડ નહીં થાય. નવી ટીમના માલિકની જાહેરાત 25 ઓક્ટોબરે દુબઈમાં કરાશે. BCCIએ ટીમની બેઝ પ્રાઈઝ 2 હજાર કરોડ રૂપિયા નક્કી છે. નિયમો અનુસાર જો કોઈ વિદેશી કંપની બોલી જીતવામાં સફળ થાય તો તેણે ભારતમાં એક કંપની ખોલવી જ પડશે.
Deepika Padukone & Ranveer Singh set to bid for the two new IPL team for 2022 season. (Source – Outlook Media)
— Johns. (@CricCrazyJohns) October 22, 2021
હવે આગામી સમયમાં IPLની વધારાની બે ટીમના માલિક કોણ હશે તેના માટે થોડી રાહ જરૂર જોવી પડશે.. પરંતુ એ વાત નક્કી છે કે આગામી IPLની મેચમાં હવે આઠની જગ્યાએ દસ ટીમ ક્રિકેટના મેદાનમાં હશે.. અને તેના માટેની વ્યવસ્થા અત્યારથી કરાઇ રહી છે.. અને માટે જ રસ દાખવનારામાં દિપિકા અને રણવીરનુ નામ સામે આવ્યું છે.
