આર્યન ખાન ક્યાં ધર્મને માને છે હિન્દૂ કે મુસ્લિમ? આ સવાલના જવાબમાં માતા ગૌરી ખાને કહી આ વાત

બોલિવૂડના કિંગ ખાન એટલે કે શાહરૂખ ખાન અને તેના પરિવાર માટે જે એક મહિનો પસાર થયો તે ઘણો પડકારજનક સાબિત થયો. ડ્રગ્સ કેસમાં ફસાયેલા પુત્ર આર્યન ખાનને જામીન મળ્યા બાદ કંઈક સારું થયું.
આજે શાહરૂખ અને ગૌરીનું નામ ઈન્ડસ્ટ્રીના સૌથી ચર્ચિત કપલ્સમાં લેવામાં આવે છે. તમને જણાવી દઈએ કે શાહરૂખ ખાન મુસ્લિમ છે, જ્યારે ગૌરી હિંદુ છે. જો કે, કિંગ ખાનના કહેવા પ્રમાણે, તે પોતાના બાળકોને એ જ સલાહ આપે છે કે તેઓ પહેલા ભારતીય છે. તમને જણાવી દઈએ કે કિંગ ખાનના ઘરે પણ તમામ તહેવારો પછી તે ઈદ હોય કે હોળી-દિવાળી, ધૂમધામથી મનાવવામાં આવે છે.

જો કે, આ બધું હોવા છતાં, વારંવાર પ્રશ્ન ઊભો થાય છે કે શાહરૂખ અને ગૌરીના બાળકો ક્યાં ધર્મમાં વધુ આસ્થા ધરાવે છે? એકવાર એક ઈન્ટરવ્યુમાં ગૌરી ખાનને પણ આ વિશે સવાલ કરવામાં આવ્યો હતો, જેના જવાબમાં તેણે કહ્યું હતું કે, ‘આર્યન તેના પિતા શાહરૂખ ખાનથી ખૂબ જ પ્રભાવિત છે અને તે પોતાને મુસ્લિમ માને છે’. ગૌરીના કહેવા પ્રમાણે, આર્યન પોતે સ્વીકારે છે કે તે પોતાને મુસ્લિમ માને છે. ગૌરીએ પોતાના હિંદુ હોવાના અને શાહરૂખના મુસ્લિમ હોવાના સવાલ પર પણ ખુલીને વાત કરી હતી.

ગૌરીના કહેવા પ્રમાણે, તેના અને શાહરૂખ વચ્ચે પરફેક્ટ બેલેન્સ છે. ગૌરી કહે છે, ‘હું શાહરૂખના ધર્મનું સન્માન કરું છું પરંતુ તેનો અર્થ એ નથી કે મારે તેનો ધર્મ અપનાવવો જોઈએ, શાહરૂખ ખાન પણ આ જ વાતનું ધ્યાન રાખે છે’.

શાહરૂખે પણ આ વિશે કહ્યું હતું કે મારા બાળકો વારંવાર પૂછે છે કે તેમનો ધર્મ શું છે, તેઓ હિન્દુ છે કે મુસ્લિમ. જ્યારે પણ તે મને આ વિશે પૂછે છે. તો હું આનો જવાબ આપું છું કે તમે પહેલા ભારતીય છો અને તમારો ધર્મ માનવતા છે. શાહરૂખે કહ્યું હતું કે ઘણી વખત હું બાળકોના આ સવાલનો જવાબ જૂના હિન્દી ગીતો ગાઈને આપું છું. આ ગીત છે ‘તુ હિન્દુ બનેગા ના મુસ્લિમ બનેગા..’. તો આ રીતે શાહરૂખ પોતાના બાળકોને સમજાવે છે.

આ સાથે જ શાહરૂખ ખાને ઈન્ટરવ્યુમાં બાળકોના નામ રાખવાની વાત પણ કરી હતી. શાહરૂખ ખાને કહ્યું હતું કે તે ઈચ્છે છે કે તેના બાળકોનું નામ એવું હોય કે તે દરેક ભારતીયની જીભ પર સરળતાથી બેસી જાય. તેને જોતા તેણે પોતાના ત્રણ બાળકોના નામ આર્યન, સુહાના અને અબરામ ખાન રાખ્યા.

જો વર્ક ફ્રન્ટની વાત કરીએ તો લાંબા સમય બાદ શાહરૂખ ખાન ફિલ્મ ‘પઠાણ’થી મોટા પડદા પર કમબેક કરવા જઈ રહ્યો છે. ફિલ્મનું શૂટિંગ પણ પૂરજોશમાં ચાલી રહ્યું હતું, પરંતુ આ દરમિયાન આર્યનની ડ્રગ્સ કેસમાં ધરપકડ થતાં શાહરૂખે શૂટિંગ પર બ્રેક લગાવી દીધી હતી. સમાચાર અનુસાર, કિંગ ખાન જલ્દી જ ફિલ્મ ‘પઠાણ’નું શૂટિંગ શરૂ કરી શકે છે.