પાણી પીવા આળસું હાથીએ બતાવી ચાલાકી, લોકોએ કહ્યું- સ્માર્ટ વર્ક
હાથી ખૂબ બુદ્ધિશાળી પ્રાણી છે. પૃથ્વી પર રહેતા જીવોમાં હાથીનું મગજ સૌથી મોટું હોય છે. આવી સ્થિતિમાં, કોઈપણ કામ કરવામાં પણ તે તેની બુદ્ધિ બતાવે છે. એક હાથીનો એક વીડિયો આજકાલ ઇન્ટરનેટ પર જોરદાર વાયરલ થઈ રહ્યો છે. આ વીડિયોમાં હાથી પાણી પીવાની યુક્તિઓ કરતા જોઇ શકાય છે. લોકો સોશિયલ મીડિયા પર આ હાથીની સ્માર્ટનેસની પ્રશંસા કરી રહ્યા છે.
સોશિયલ મીડિયા પર પ્રાણીઓના લાખો તસવીરો અને વીડિયો છે. પશુપ્રેમીઓ હંમેશા જંગલમાં કલાકો પસાર કરે છે. તાજેતરમાં, એક હાથીનો વીડિયો સોશિયલ મીડિયા પર જોરદાર વાયરલ થઈ રહ્યો છે, જેમાં તે માણસોની જેમ પાઇપમાંથી પાણી પીતા જોઇ શકાય છે. આ આળસુ હાથી પોતાનું મોં સીધુ ખાડામાં ન નાખીને ત્યાં મૂકેલી પાઇપ ઉપાડીને પાણી પીવે છે.
Rescued orphan Lemeki is taking the lazy (read: sensible) approach to drinking. She is an orphan in our care that was saved from a raging river. To see her now, with her stubby tusks poking through, is a reminder of how far she’s come: https://t.co/41gbnvwpt9 pic.twitter.com/NesFpe0Wkp
— Sheldrick Wildlife (@SheldrickTrust) June 2, 2021
આ વીડિયોને ટ્વિટર પર Sheldrick Wildlife નામના એકાઉન્ટ સાથે શેર કરવામાં આવ્યો છે. જેમના કેપ્શનમાં તેણે જણાવ્યું હતું કે આ એક અનાથ હાથણી Lemeki છે જેને એક નદીમાં રેસ્ક્યૂ કરીને કેર સેન્ટરમાં લાવવામાં આવી હતી. લોકોને આળસુ હાથીનો વીડિયો ખૂબ પસંદ આવી રહ્યો છે. લોકો તેને એકબીજા સાથે શેર કરી રહ્યા છે પરંતુ તેના પર વિવિધ પ્રકારની કોમેન્ટે અને પ્રતિક્રિયાઓ પણ આપી રહ્યા છે. લોકો તેની સ્માર્ટનેસ અને હોંશિયારી માટે હાથીની પ્રશંસા કરી રહ્યા છે.
તો બીજી તરફ થોડા દિવસ પહેલા એક ભાવનાત્મક વિડિયો સોશિયલ મીડિયા પર વધુને વધુ વાયરલ થઈ રહ્યો છે, જેમાં એક હાથી તેના મહાતને અંતિમ વિદાય આપી રહ્યો છે. મહાવતનાં મૃત્યુ પછી આ હાથી પણ શોકની વચ્ચે મૃતદેહની પાસે ઉભો રહે છે અને આસપાસ ઉભેલા લોકો તેના ઇશારાથી જે રીતે પોતાનું દુખ વ્યક્ત કરે છે તે જોઈને તે બધા શોકમગ્ન થઈ જાય છે. આ ઘટના કેરળના કોટ્ટયમ જિલ્લાની છે.
મહાવત ઓમનચેટ્ટાન કેન્સરથી ગ્રસ્ત હતો અને તેનું અવસાન થયું. પરિવારમાં શોક હતો અને તે દરમિયાન તેનો હાથી પલાત બ્રહ્માદાથાન પણ તેમને અંતિમ વિદાય આપવા દરવાજે પહોંચ્યો હતો. સ્થાનિક મીડિયા અહેવાલોમાં કહેવામાં આવ્યું છે કે કુન્નાકડ દામોદરન નાયર ઉર્ફે ઓમાનચેટ્ટાન હાથીઓ પ્રત્યેના પ્રેમ માટે જાણીતો હતો અને લગભગ છ દાયકાથી તેમની સંભાળ લેતો હતો. કેન્સરના કારણે લક્કાટ્ટરમાં રહેનારા 74 વર્ષીય ઓમાનચેટ્ટાનનું મોત થયું.
Elephant Brahmadethan’s last tributes to his close friend, guide & sr Mahout Omanachettan. Mahout passed away yesterday after a brief illness. Brahmadethan was in grief, did not take any food&restless. Other Mahouts realised his pain & took him to deceased Mahout’s resi. pic.twitter.com/RUHX8MXp8d
— ettirankandath (@ettirankandath) June 4, 2021
ઓમાનચેટ્ટાનના મૃત્યુના સમાચાર સાંભળીને હાથીના માલિક તેને મહાવતનાં ઘરે લઈ ગયા. હાથી તેના મહાવતને અંતિમ વિદાય આપે છે. કયારેક તે તેની સૂંઢ ઉપાડતો અને ક્યારેક તે ગળાને નીચે ઝૂકાવતો. લાંબા સમય સુધી, તે મહાવતના શબને જોતો રહ્યો, જાણે કે તે પણ સમજી ગયો છે કે ઓમાનચેટ્ટાન ક્યારેય તેની પીઠ પર બેસી શકશે નહીં. થોડો સમય ઉભા રહ્યા પછી, હાથી મહાવત તરફ જોતા, વિપરીત પગલા સાથે પાછો ફર્યો. હાથીના વર્તમનને જોઈને ત્યા હાજર સૌ કોઈની આંકો ભીની થઈ ગઈ હતી.
