એલા આ બધું શું ચાલી રહ્યું છે? હવે જલ્દી જ પ્રિયંકા ચોપરા આપવા જઈ રહી છે ગુડ ન્યુઝ? શોમાં નિક તરફ જોઈને કર્યો ઈશારો
પ્રિયંકા ચોપરાએ તાજેતરમાં જ તેના સોશિયલ મીડિયા એકાઉન્ટમાંથી તેના નામમાંથી જોનાસ સરનેમ હટાવીને વિવાદનો સામનો કરવો પડ્યો હતો. જે પછી ઘણા લોકોને લાગ્યું કે પ્રિયંકા અને નિક વચ્ચે કંઈક સારું નથી ચાલી રહ્યું. છૂટાછેડાના સમાચાર વચ્ચે, ‘જોનાસ બ્રધર્સ’ને રોસ્ટ કરતો શો ‘ધ જોનાસ બ્રધર્સ ફેમિલી રોસ્ટ’ નેટફ્લિક્સ પર રિલીઝ કરવામાં આવ્યો છે. આ શોમાં ત્રણ ભાઈઓની સાથે તેમની પત્નીઓ પણ હાજર હતી. આ દરમિયાન પ્રિયંકાએ તેના પતિ અને દિયરોની મજાક ઉડાવી હતી અને રોસ્ટ કરતી જોવા મળી હતી.પરંતુ આ દરમિયાન પ્રિયંકાએ મજાકમાં નિકને બાળક વિશે ઈશારો કર્યો હતો. જે બાદ નિક પોતે પણ શોમાં ચોંકી ગયો હતો. જાણો શોમાં પ્રિયંકાએ શું કહ્યું.
જોનસના કરીયરનો ઉડાવ્યો મજાક
શોમાં નિકને રોસ્ટ કરતી વખતે પ્રિયંકાએ તેની કરિયરની મજાક પણ ઉડાવી હતી. પ્રિયંકાએ કહ્યું, ‘અમે બંને એકબીજાને કંઈક ને કંઈક શીખવીએ છીએ. નિક મને ટિક-ટોકનો ઉપયોગ કેવી રીતે કરવો તે શીખવે છે, જ્યારે હું તેને કહું છું કે સફળ અભિનય કારકિર્દી કેવી હોય છે. પ્રિયંકાની આ વાત સાંભળીને નિકે પોતાનો ચહેરો છુપાવી લીધો જ્યારે દર્શકો હસવાનું રોકી શક્યા નહીં.
પતિ અને દિયરો પર કરી કમેન્ટ
તેના પતિની સાથે સાથે તેના દિયર વિશે પ્રિયંકા કહે છે, ‘ઈન્સ્ટાગ્રામ પર પોસ્ટ કરતી વખતે ત્રણેય ભાઈઓ ખૂબ જ ક્યૂટ લાગે છે. ઈન્સ્ટાગ્રામ પર સતત એક્ટિવ રહેવા છતાં ત્રણેય એક સાથે મારા એકલા ઈન્સ્ટાગ્રામ પર જેટલા ફોલોઅર્સ છે તેટલા ફોલોઅર્સ એકઠા કરી શક્યા નથી. પ્રિયંકાના ઈન્સ્ટાગ્રામ પર 70 મિલિયન ફોલોઅર્સ છે
બાળક તરફ કર્યો ઈશારો
પ્રિયંકા સાથે વાત કરતી વખતે નિક પણ પોતાના મનની વાત કરતો જોવા મળ્યો હતો. પ્રિયંકાએ કહ્યું કે જોનાસ બ્રધર્સમાં તે એકમાત્ર કપલ છે જેને સંતાન નથી. આ સાંભળીને નિક દંગ રહી ગયો. પ્રિયંકાએ કહ્યું, ‘અમે આશા રાખીએ છીએ… કે અમે આજે રાત્રે નશામાં હોઈશું અને સવારે સૂઈ જઈશું.’ આ કારણે જોનાસ પરિવાર અને ત્યાં હાજર દર્શકોએ ઉભા થઈને પ્રિયંકા માટે તાળીઓ પાડી હતી.
પ્રિયંકાના સરનેમ હટાવ્યા બાદથી તેમના છૂટાછેડાના સમાચારો જોરશોરથી ચાલી રહ્યા હતા. આવી સ્થિતિમાં પ્રિયંકાએ પતિ નિક જોનાસની સોશિયલ મીડિયા પર તાજેતરની પોસ્ટ પર ટિપ્પણી કરીને અલગ થવાના સમાચાર પર પૂર્ણવિરામ મૂક્યું છે. પ્રિયંકાએ નિકની પોસ્ટ પર લખ્યું છે કે તે જીવનભર તેની સાથે રહેવા માંગે છે.