રાકેશ બાપટ પહેલા આ પરિણીત એકટર સાથે જોડાઈ ચૂક્યું છે શમિતા શેટ્ટીનું નામ, ન થઈ શક્યા લગ્ન
તાજેતરમાં જ બિગ બોસ 15નો ભાગ બનેલી શમિતાએ વર્ષ 2000માં યશ ચોપરાની ફિલ્મ મોહબ્બતેથી બોલિવૂડમાં પ્રવેશ કર્યો હતો. આ ફિલ્મમાં તેની એક્ટિંગને પસંદ કરવામાં આવી હતી, લોકોને લાગતું હતું કે શમિતા બીજી ઘણી ફિલ્મોમાં દેખાશે પરંતુ એવું થયું નહીં. તેની ફિલ્મી કરિયર કંઈ ખાસ નહોતું
શિલ્પા શેટ્ટીની બહેનના નામે મળી ઓળખ
શમિતાનો જન્મ મેંગલુરુમાં થયો હતો. તેણીએ સેન્ટ એન્થોની ગર્લ્સ હાઈસ્કૂલમાંથી શાળાકીય શિક્ષણ મેળવ્યું હતું. આ પછી તેણે સિડનહામ કોલેજ મુંબઈમાંથી ગ્રેજ્યુએશન પૂરું કર્યું. શમિતાને તેની ડેબ્યૂ ફિલ્મ માટે આઈફા બેસ્ટ ડેબ્યુ એક્ટ્રેસનો એવોર્ડ આપવામાં આવ્યો હતો. શમિતા શેટ્ટી બોલિવૂડમાં ઘણા સમયથી છે પરંતુ તે અભિનેત્રી નહીં પરંતુ શિલ્પા શેટ્ટીની બહેન બનીને રહી ગઈ છે
મનોજ બાજપેયી સાથે જોડાયું નામ
શમિતા શેટ્ટી અને મનોજ બાજપેયી વચ્ચેના અફેરને લઈને મીડિયા રિપોર્ટ્સમાં પણ ઘણા સમાચાર આવ્યા હતા. શમિતા શેટ્ટી ‘ફરેબ’ અને ‘બેવફા’માં મનોજ બાજપેયીની સાથે જોવા મળી હતી. પરિણીત અભિનેતા સાથે અફેર કર્યા બાદ તે વિવાદોમાં ઘેરાઈ ગઈ હતી. એવું પણ કહેવાતું હતું કે મનોજ બાજપેયી સાથે લગ્ન ન કરવાને કારણે શમિતા શેટ્ટીએ બીજા કોઈ સાથે લગ્ન કર્યા નથી. જોકે બંનેએ આ અંગે ક્યારેય કંઈ કહ્યું નથી. આ સિવાય શમિતા શેટ્ટીના હરમન બાવેજા અને આફતાબ શિવદાસાની સાથેના અફેરની પણ ચર્ચાઓ થઈ છે.
રાકેશ બાપટ સાથે રિલેશનમાં છે શમિતા શેટ્ટી
શમિતા શેટ્ટીએ હજુ લગ્ન કર્યા નથી. બિગ બોસ ઓટીટીમાં તેને રાકેશ બાપટે સપોર્ટ કર્યો હતો, ઘરની બહાર આવ્યા બાદ બંનેએ તેમના સંબંધોની પુષ્ટિ કરી હતી. જ્યારે શમિતા શેટ્ટી ફરીથી બિગ બોસમાં ગઈ તો રાકેશે તેને પૂરો સાથ આપ્યો. શમિતા શેટ્ટીના જન્મદિવસ પર રાકેશ બાપટે પોતાના ઓફિશિયલ ઈન્સ્ટાગ્રામ પર શમિતા શેટ્ટી સાથેના ફોટા શેર કર્યા છે. ફોટો સાથે રાકેશ બાપટે ખુલ્લેઆમ શમિતા પ્રત્યેનો પ્રેમ વ્યક્ત કર્યો છે. રાકેશ બાપટે કેપ્શનમાં લખ્યું હતું કે, ‘હેપ્પી બર્થડે લવ શમિતા શેટ્ટી.’
ટીવી શોમાં પણ દેખાઈ શમિતા શેટ્ટી
શમિતા શેટ્ટીએ હિન્દી ફિલ્મો સિવાય ઘણી તમિલ અને તેલુગુ ફિલ્મોમાં પણ કામ કર્યું છે. એટલું જ નહીં તેણે ‘બિગ બોસ’, ‘ઝલક દિખલા જા’ અને ‘ખતરોં કે ખિલાડી’ જેવા શો પણ કર્યા છે. શમિતા શેટ્ટી બિગ બોસ 15માં ચોથા નંબર પર હતી.
